Афғонистоннинг вице-президенти ўзини давлатнинг вақтинчалик раҳбари, деб эълон қилди
Афғонистон вице-президенти Амрулла Солиҳнинг баёнот беришича, президент йўқлигида у давлатнинг вақтинчалик раҳбари ҳисобланади ва дунё етакчилари билан давлат раҳбари сифатида муносабат ўрнатади. Бу ҳақда РИА Новости хабар бермоқда.
"Афғонистон конституциясига биноан, агар президент мамлакатда бўлмаса, қочса, истеъфо берса ёки вафот этса вице-президент давлатнинг вақтинчалик раҳбари бўлади. Айни пайтда мен ўз мамлакатимдаман ва қонуний вақтинчалик президентман. Дунёнинг барча етакчиларидан кумак ва розилигини олиш учун улар билан давлат раҳбари сифатида боғланаман", - деб ёзди Солиҳ Twitter да.