"Moviyga parvoz"— sanʼat va ijod muloqoti (+ video)
Sanʼat — ijodkorning qalbi, tafakkuri va dunyoqaraşining badiiy ifodasidir. Uni çuqur anglaşda rassom va sanʼatşunos örtasidagi muloqot muhim ahamiyat kasb etadi. Kamoliddin Behzod nomidagi Milliy rassomlik va dizayn instituti galereyasida, "Moviyga parvoz" deb nomlangan körgazma oçildi.
Akademik, rassom Akmal Ikromjonov rahbarligida taşkil etilgan mazkur körgazma ijodkorlar uçun keng muloqot maydoni böldi. Oliy dargohda bir vaqtning özida birgalikda tahsil olgan 17 rassomning asarlari — ijodkorlar uçun muloqot mavzusiga aylandi. Bu asarlar talaba yoşlarda, ayniqsa, juda katta qiziqiş uyğotdi. Ular özlarini qiziqtirgan savollariga javoblar olişdi. Bunday uçraşuvlar rassom va sanʼatşunoslar örtasidagi hamkorlikni mustahkamlaş, ijodkorning badiiy ğoyasini bevosita uning özidan anglaş imkonini beradi. Endilikda institutda har oy körgazmalar doirasida şunday oçiq muloqotlar ötkazib borişga kelişib olindi.
Loyihaning asosiy maqsadi — zamonaviy rassomlar ijodini ilmiy örganiş, sanʼatşunoslar bilan hamkorlikni rivojlantiriş va yoşlarning sanʼatga qiziqişini oşirişdan iborat. "Moviyga parvoz" kabi uçraşuvlar sanʼatni anglaş, ijodiy tajriba almaşiş va yangi izlanişlarga yöl oçişi bilan ahamiyatlidir.
Munira Ramazonova,
Salim Obidjonov. ÖzA
