"Зиёли кун" ёшлар фестивали ўтказилди
Тошкент шаҳрида Илм-фан ва таълим-тарбияни ривожлантириш «Зиё Форум» фонди томонидан «Зиёли кун» ёшлар фестивали бўлиб ўтди.
Мазкур тадбир ёшларнинг интеллектуал ва ижодий салоҳиятини ривожлантириш, уларни илҳомлантириш ҳамда замонавий билим ва кўникмалар билан таъминлашга қаратилган. Фестиваль доирасида иштирокчилар таниқли мутахассислар, блогерлар ва таълим соҳаси вакиллари билан учрашиб, маъруза, мастер-класс ва интерактив сессияларда қатнашиш имконига эга бўлдилар.
Шунингдек, тадбир давомида турли кўнгилочар дастурлар ва нетворкинг имкониятлари яратилди. «Зиёли кун» фестивали 1000 нафардан зиёд ёшларни бирлаштириб, уларнинг билим ва тажриба алмашиши учун муҳим майдонга айланди.
<iframe width="650" height="420" src="https://www.youtube.com/embed/sQBVEtw3bC8" title=""Ziyoli kun" yoshlar festivali o`tkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Зиёвуддин Нуриддинов, ЎзА
