Шарифа Давронова иккинчи бор Осиё ўйинлари чемпионига айланди
Япониянинг Аичи ва Нагоя шаҳарларида давом этаётган XX ёзги Осиё ўйинларида делегациямиз 6 та олтин, 12 та кумуш ва 8 та бронза жами 26 медаль билан умумжамоа ҳисобида бешинчи поғонага кўтарилди.
Гап шундаки, XX ёзги Осиё ўйинларининг енгил атлетика бўйича уч ҳатлаб сакраш дастурида мамлакатимиз шарафини ҳимоя қилган Шарифа Давронова 14,35 метр натижа қайд этиб, барча рақибларини ортда қолдирди ва шоҳсупанинг энг юқори поғонасидан жой олди.
Шу тариқа, Шарифа Давронова ўз фаолиятида иккинчи бор Осиё ўйинлари чемпионига айланди Аниқроғи, атлетимиз 2023 йилда Ханчжоуда ўтказилган XIX Осиё ўйинларида ҳам уч ҳатлаб сакрашда олтин медалга сазовор бўлганди.
Жавоҳир Тошхўжаев, ЎзА
