Пентагон раҳбари Украинага “Patriot” берилиши ҳақидаги хабарларга изоҳ берди
АҚШ мудофаа вазири Пит Хегсет Вашингтоннинг Украина бўйича сиёсати ўзгармаганини айтди. У матбуотда пайдо бўлган Пентагон Киевга “Patriot” тизими берилишини пайсалга солаётгани тўғрисидаги ахборотларни рад этиб, бундай гаплар ҳақиқатга тўғри келмаслигини таъкидлади.
Хегсет тушунтиришича, ракета тутувчи муҳим қурол масаласида АҚШ аввало ўз армиясини таъминлаши керак. У Украинанинг курашини “қаҳрамонона” деб атаб, аввалги маъмурият даврида жуда кўп ёрдам берилгани боис қурол захираси камайиб кетганини эслатди.
Ҳозир Президент Дональд Трамп захирани тўлдириш билан шуғулланиш баробарида низони тинч йўл билан ҳал қилишга ҳам интилаётганини қайд этди. Шунингдек, Украинада “Starlink” тизимининг ҳарбий шакли ҳисобланган “Starshield” фаолияти секинлашгани ҳақидаги даъвога ҳам тўхталди. Яъни, Вашингтон бу борада ҳеч қандай чеклов қўймаган, юзага келган ҳолат тўлиқ компаниянинг ички қоидасига боғлиқ.
Трамп 9 октябрь куни нархни тушириш учун Россия билан дизель ёнилғиси етказиб бериш бўйича келишиб олгани, эвазига санкция вақтинча юмшатилганини эълон қилган эди. 19 октябрда эса у Владимир Зеленский Москва билан келишишни хоҳламаётганини айтиб, музокарани бошқа одамга топшириш кераклигини таъкидлади.
Ф.Яхшибоева, ЎзА
