ФОТОРЕПОРТАЖ

Қорақалпоғистон Республикаси Тўрткўл туманидаги “JOJO KIDS WEAR” масъулияти чекланган жамиятида трикотаж ва тўқимачилик маҳсулотлари ишлаб чиқарилади. 

Корхонанинг тўқимачилик ва тикувчилик цехлари замонавий ускуналар билан жиҳозланган. Ҳозирда бу ерда 40 нафарга яқин хотин-қиз меҳнат қилмоқда. Ишчилар яратилган шароитлардан мамнун. 

–Корхонамизда 20 га яқин турдаги маҳсулот тайёрланади, - дейди МЧЖ иш бошқарувчиси Дилором Хўжаниёзова. – Асосан, спорт кийимлари, махсус иш кийимлари ва мактаб формаларига буюртмалар кўп. Айни янги ўқув йили арафасида жамоамиз ўқувчилар учун мактаб формаси тикиш билан банд. Шунингдек, шу кунларда Қозоғистон Республикасига спорт кийимлари (футболка) экспорт қилиш ҳаракатидамиз.

[gallery-8194]

Мақсад ҲАБИБУЛЛАЕВ (сурат),ЎзА