Жаҳон кубоги босқичида ёш қиличбозларимиз 4 та медалга сазовор бўлди
Баҳрайннинг Манама шаҳрида қиличбозлик бўйича ёшлар ўртасида ўтказилган Жаҳон кубоги босқичида мамлакатимиз вакиллари 4 та бронза медалини қўлга киритди.
23 та мамлакатнинг 121 нафар спортчиси қатнашган нуфузли мусобақанинг дастлабки босқичида терма жамоамиз аъзолари 3 та бронза медалига эгалик қилган эди.
Хусусан, Улуғбек Усмонов рапира йўналишида, ўсмирлар ва қизлар термаси шпага мусобақасининг жамоавий йўналишларида 3-ўринни эгаллаган.
Кеча халқаро турнирнинг яккалик шпага баҳсларида терма жамоамиз аъзоларидан Санам Назарова финал босқичи остонасида гонконглик рақиби билан тенг курашда жаҳон кубогининг бронза медалини қўлга киритди.
Т.Рўзиев,
ЎзА
