Гандбол: “Олимпия шаҳарчаси”да Марказий Осиё чемпионати ўтказилмоқда (+видео)
Пойтахтимиздаги “Олимпия шаҳарчаси” мажмуасида гандбол бўйича аёллар ва эркаклар жамоалари ўртасида ўтказилаётган Марказий Осиё чемпионати қизғин ва муросасизлиги билан мухлислар эътиборини тортмоқда.
Чемпионатнинг эркаклар ва аёллар жамоалари ўртасидаги мусобақаларида мамлакатимиз жамоалари билан бир қаторда Қозоғистон, Ҳиндистон гандболчилари ҳам ўз маҳоратини намойиш этмоқда.
Эркаклар ўртасидаги мусобақанинг “А” гуруҳидан Тошкент вилоятининг ОКМК, Навоий вилояти, Қозоғистоннинг “Чимкент”, “Астана” ва Ҳиндистон-2 жамоалари ўрин олган бўлса, “Б” гуруҳида Хоразмнинг “Маъмун”, Сурхондарё, Ўзбекистон U-18 терма жамоаси, Ҳиндистон-1 ва Қозоғистоннинг “Туран” гандболчилари иштирок этмоқда.
Қизлар ўртасидаги мусобақаларнинг “А” гуруҳида Ўзбекистон терма жамоаси, Қозоғистоннинг “Астана” ва “Чимкент” ҳамда Навоий вилояти жамоалари, “Б” гуруҳида мамлакатимизнинг U-18, ОКМК, Қозоғистонинг “Туран-Туркистан” ва “Астана ёшлар” жамоалари баҳс олиб бормоқда.
Марказий Осиё чемпионати баҳслари 5 апрелга қадар давом этади.
<iframe width="640" height="420" src="https://www.youtube.com/embed/QD9CfSwxXjE" title="Gandbol: “Olimpiya shaharchasi”da Markaziy Osiyo chempionati o`tkazilmoqda " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Т.Рўзиев, А.Аҳмедов (видео), ЎзА
