Энг илғор ёшлар етакчилари муносиб тақдирланди
Маҳаллада ёшлар сиёсатини самарали амалга оширишда юқори натижадорликка эришаётган Тошкент шаҳрининг энг илғор 100 нафар ёшлар етакчиси муносиб тақдирланди.
“ТОП-100 — Энг илғор ёшлар етакчилари” рейтинги Ёшлар ишлари агентлиги томонидан агентликнинг маҳаллаларда ёшлар сиёсатини самарали амалга оширишда юқори натижадорликка эришаётган маҳалла ёшлар етакчилари фаолиятини баҳолаш мақсадида ҳар чоракда анъанавий тарзда эълон қилинадиган рейтингдир.
Унда маҳаллалардаги йигит-қизларнинг муаммоларини ҳал этиш, уларнинг бандлигини таъминлаш ва ташаббусларини қўллаб-қувватлашда энг юқори кўрсаткичга эга 100 нафар фаол етакчи эътироф этиб борилади.
Уларнинг ҳар бир ютуғи ортида эса ота-оналарнинг ишончи, тарбияси ва қўллаб-қувватлаши бор. Шу муносабат билан етакчиларнинг ота-оналарига Ёшлар ишлари агентлиги директори, сенатор А.Саъдуллаев номидан миннатдорлик хатлари, етакчиларга эса эсдалик совғалари топширилди.
Г.Бобоева, ЎзА
