Болаликдан молиявий саводхонлик: “UZCARD KIDS” фойдали одатларни шакллантиришга қандай ёрдам беради
1 октябрдан 1 ноябргача Тошкент ҳайвонот боғида UZCARD дам олиш кунлари ойлиги ўтказилмоқда. “UZCARD KIDS” карталарининг ёш сақловчилари учун ташриф буюришнинг махсус шартлари амал қилади, дам олиш кунлари эса ўйин ва таълимий фаолликлар ташкил этилади.
Лойиҳа “UZCARD KIDS” нинг болалар ва ўсмирларнинг молиявий саводхонлигини амалиёт ва тушунарли ҳаётий вазиятлар орқали ривожлантиришга қаратилган фаолиятини давом эттиради.
Лойиҳа UZCARD томонидан Тошкент ҳайвонот боғи ва АТТО билан ҳамкорликда амалга оширилмоқда. 7 ёшдан 16 ёшгача бўлган болалар исталган банк томонидан чиқарилган “UZCARD KIDS” картаси билан чипта учун тўлов қилганда ҳайвонот боғига бепул ташриф буюришлари мумкин, бошқа UZCARD картаси билан тўлов қилинганда эса болалар чиптасига 40% чегирма тақдим этилади.
Кириш жойидаги турникетларга валидаторлар ўрнатилган, шу сабабли бола ўзининг “UZCARD KIDS” картасини мустақил равишда теккизиб, чипта учун тўлов қилиши мумкин. Бундай оддий тажриба унга пул билан муомала қилишда ўзини янада мустақил ҳис этишга ёрдам беради.
Дам олиш кунлари болалар учун маҳорат дарслари, мини-квестлар, аквагрим, филни озиқлантириш ва бошқа фаолликлар ҳам ташкил этилади. Шу кунларда “ANORBANK” вакиллари бевосита ҳайвонот боғи ҳудудида “UZCARD KIDS” карталарини расмийлаштиради ва ота-оналарга картанинг имкониятлари ҳақида маълумот беради.
Бундай формат болани молиявий воситалар билан одатий муҳитда таништириш имконини беради. Шахсий карта, кичик шахсий бюджет ва харид учун мустақил равишда тўлов қилиш имконияти одатий оилавий тажрибанинг бир қисмига айланади.
“UZCARD KIDS” болага дастлабки мустақил тўловларни амалга ошириш ва мавжуд суммани бошқаришни ўрганиш имконини беради, ота-оналарга эса харажатларни назорат қилиш ва унга босқичма-босқич кўпроқ масъулият топшириш имконини яратади.
Амалий ёндашув ўйин ва таълимий форматлар билан тўлдирилади. UZCARD болалар ва ўсмирлар учун молиявий ва рақамли саводхонлик бўйича машғулотлар ўтказади, янги тушунчаларни фақат назария орқали эмас, балки амалий ҳаракатлар орқали ўзлаштириш учун интерактив топшириқлар ва стол ўйинларидан фойдаланади.
Бунда молиявий тарбияда асосий роль ота-оналарда қолади. Боланинг харажатларини нафақат назорат қилиш, балки унинг қарорларини ҳам муҳокама қилиш муҳим: пулни ҳозир нимага сарфлаш мақсадга мувофиқ, нимани кейинга қолдириш мумкин ва мавжуд суммани қандай тақсимлаш керак. Бундай суҳбатлар пулга нисбатан онгли муносабатни босқичма-босқич шакллантиришга ёрдам беради.
“UZCARD KIDS” боланинг амалий тажрибаси, таълимий форматлар ва ота-оналарнинг иштирокини бирлаштиради — бу уч таркибий қисм пул билан мустақил ва саводли муомала қилиш кўникмаларини босқичма-босқич шакллантиришга ёрдам беради.
“UZCARD” Қулай яшанг.
ЎзА
