Бугун – 20 август куни Фарғонанинг Яйпанида ва Бухорода Ўзбекистон суперлига ўйинларининг 17-туридан ўрин олган иккита учрашув ўтказилади.

Яйпанда “Турон” “Бунёдкор”ни қабул қилса, “Бухоро” ўз майдонида “Сурхон” жамоаси билан куч синашади.

Кеча, 19 август куни ўтказилган Ўзбекистон суперлигасининг 17-тур ўйинларида "Пахтакор" "Металлург"ни ўз майдонида 1:0 ҳисобида мағлуб этган бўлса, "Насаф" – "Қизилқум" учрашувида дуранг натижа қайд этилди.

Суперлига учрашувларининг 17-туридан ўрин олган “Андижон”-“Олимпик” ўйини 21 август куни, ОКМК – “Нефтчи” ва “Суғдиёна” – “Навбаҳор” ўртасидаги учрашувлар 26 август куни бўлиб ўтади.

Суперлига ўйинларининг 18 тур учрашувлари 25 август куни Тошкентда “Олимпик” – “Турон” қарама-қаршилигидаги баҳс билан бошланади.

Эслатиб ўтамиз, 17-тур ҳолатида 38 очко жамғарган “Пахтакор” жамоаси турнир жадвалини якка пешқадам сифатида бошқараётган бўлса, кейинги қаторларда “Навбаҳор” 33, “Нефтчи” 32, “Насаф” 30 очко қайд этиб турибди.  

Т. Рўзиев, ЎзА