Бугун мамлакатимизда муҳтарам устозларимиз, азиз мураббийларимизнинг касб байрамлари кенг нишонланмоқда. Энг шарафли ва саодатли вазифанинг фидоий эгалари бўлган бу олижаноб инсонлар ёнимизда экан, ҳар кунимиз шодиёна, тантанага айланажак.

Устозларимизнинг мамлакат суянчи ва таянчи бўлган ёш авлод қалбига илм-фан, маънавият зиёсини улашиш, миллатни маърифатли қилишдай улуғвор ва буюк меҳнатлари олдида ҳамиша таъзимдамиз. Ушбу эзгулик йўлида улар билан елкадош эканимдан, устозлик касбини танлаганимдан фахрланаман. Устоз таърифи борасида сўз мулкининг султони Алишер Навоий ҳазратлари -

Агар шогирд шайхулислом, агар қозидур, Агар устоз рози – Тангри розидур дея тарихий сатрларни келтирганлари ҳам бежиз эмас. Зеро, бугун уларнинг заҳматлари, берган таълими, етаклаган тарбия йўли бизга, фарзандларимизга ҳаётни ўргатди, муваффақиятлар эшигини кўрсатди.

Президентимизнинг Ўзбекистон ўқитувчи ва мураббийларига йўллаган байрам табриги барчамизни беҳад мамнун этди. Унда таъкидлаганидек, муаллимнинг обрў-эътибори – бу аввало миллатнинг, бутун халқнинг обрў-эътиборидир. Шу боис, биз кейинги йилларда ўқитувчи ва мураббийларнинг жамиятимиз ҳаётидаги ўрни ва таъсирини кучайтириш, таълим тизимини замон талаблари асосида ташкил этиш бўйича улкан ислоҳотларни амалга оширмоқдамиз. Хусусан, олий таълим тизимидаги янгиланишлар ҳам таълим сифатини оширишга, пировард мақсад эса Ватан ва халқ манфаати учун мардона курашадиган, ўзининг қатъий ҳаётий позициясига эга, ҳеч кимдан кам бўлмаган ёшларни тарбиялашга хизмат қилмоқда.

1 октябрь – Ўқитувчи ва мураббийлар куни меҳридарё зиёкорларнинг, маърифат улашувчиларнинг шодиёнасидир. Янги Ўзбекистоннинг ғурури, фахри, қудрати сиз таълим бераётган ёшлар қўлида экан, зиммангиздаги мамлакатнинг энг масъулиятли вазифасини адо этишда куч-қувват тилайман.

Баҳодиржон Шермуҳаммедов,

Фарғона давлат университети ректори

English
Chinese
Turkish
Tajik
Kyrgyz
Turkmen
Japanese
Arabic
English
French
Spanish
Русский
German
Ўзбек
Oʻzbek
Қазақ
“Муаллимнинг обрў-эътибори – бу аввало миллатнинг, бутун халқнинг обрў-эътиборидир”

Бугун мамлакатимизда муҳтарам устозларимиз, азиз мураббийларимизнинг касб байрамлари кенг нишонланмоқда. Энг шарафли ва саодатли вазифанинг фидоий эгалари бўлган бу олижаноб инсонлар ёнимизда экан, ҳар кунимиз шодиёна, тантанага айланажак.

Устозларимизнинг мамлакат суянчи ва таянчи бўлган ёш авлод қалбига илм-фан, маънавият зиёсини улашиш, миллатни маърифатли қилишдай улуғвор ва буюк меҳнатлари олдида ҳамиша таъзимдамиз. Ушбу эзгулик йўлида улар билан елкадош эканимдан, устозлик касбини танлаганимдан фахрланаман. Устоз таърифи борасида сўз мулкининг султони Алишер Навоий ҳазратлари -

Агар шогирд шайхулислом, агар қозидур, Агар устоз рози – Тангри розидур дея тарихий сатрларни келтирганлари ҳам бежиз эмас. Зеро, бугун уларнинг заҳматлари, берган таълими, етаклаган тарбия йўли бизга, фарзандларимизга ҳаётни ўргатди, муваффақиятлар эшигини кўрсатди.

Президентимизнинг Ўзбекистон ўқитувчи ва мураббийларига йўллаган байрам табриги барчамизни беҳад мамнун этди. Унда таъкидлаганидек, муаллимнинг обрў-эътибори – бу аввало миллатнинг, бутун халқнинг обрў-эътиборидир. Шу боис, биз кейинги йилларда ўқитувчи ва мураббийларнинг жамиятимиз ҳаётидаги ўрни ва таъсирини кучайтириш, таълим тизимини замон талаблари асосида ташкил этиш бўйича улкан ислоҳотларни амалга оширмоқдамиз. Хусусан, олий таълим тизимидаги янгиланишлар ҳам таълим сифатини оширишга, пировард мақсад эса Ватан ва халқ манфаати учун мардона курашадиган, ўзининг қатъий ҳаётий позициясига эга, ҳеч кимдан кам бўлмаган ёшларни тарбиялашга хизмат қилмоқда.

1 октябрь – Ўқитувчи ва мураббийлар куни меҳридарё зиёкорларнинг, маърифат улашувчиларнинг шодиёнасидир. Янги Ўзбекистоннинг ғурури, фахри, қудрати сиз таълим бераётган ёшлар қўлида экан, зиммангиздаги мамлакатнинг энг масъулиятли вазифасини адо этишда куч-қувват тилайман.

Баҳодиржон Шермуҳаммедов,

Фарғона давлат университети ректори