Ўзбекистон Республикаси Гидрометеорология хизмати агентлигидан маълум қилинишича, жорий йилнинг 5-8 июнь кунлари Ўзбекистонга Эрон ҳудудидан иссиқ ҳаво оқимининг кириб келиши сабабли ҳаво ҳарорати кўтарилади. Жумладан:

5-6 июнь кунлари Қорақалпоғистон Республикаси, Хоразм вилоятида 40-41 даражагача;  

6-8 июнь кунлари Бухоро, Навоий, Қашқадарё, Сурхондарё вилоятларида 40-42 даражагача;  

5-8 июнь кунлари Тошкент, Самарқанд, Жиззах, Сирдарё вилоятларида  38-40 даражагача;  

7-8 июнь кунлари Фарғона водийси вилоятларида 36-39 даражагача кўтарилади.  

7-8 июнь кунлари шимолда, жанубда ва чўл ҳудудларида баъзи жойларда шамолнинг тезлиги секундига 15-20 метргача кучайиши кутилмоқда, айрим жойларда чанг-тўзонлар  кузатилади.

ЎзА