Andijon shahridagi voqealar to`g`risida14.05.2005 01:41 O`zbekiston Respublikasi Prezidenti Islom Karimov Andijon shahrida ro`y bergan voqealar munosabati bilan 13 may kuni erta tongda Andijonga etib bordi.
Davlatimiz rahbari ahvolni atroflicha o`rganib, tegishli tashkilot va idoralarga sodir bo`lgan vaziyatni bartaraf etish yuzasidan aniq ko`rsatma va topshiriqlar berdi.
Shu kuni kechqurun Prezident Islom Karimov Toshkentga qaytib keldi.
* * *
Avval xabar berilganidek, 2005 yil 13 mayda, soat 00.30 va 01.00 oralig`ida bir guruh qurollangan jinoyatchilar post-patrul` xizmati navbatchi qismiga va Andijon shahrida joylashgan harbiy qismga hujum qildi. O`nlab o`qotar qurollarni qo`lga kiritgan bosqinchilar axloq tuzatish koloniyasi hududiga hujum uyushtirib, hibsxonalardan bir guruh mahbuslarni chiqarib yubordi.
Dastlabki ma`lumotlarga ko`ra, to`qnashuv oqibatida 9 kishi halok bo`lgan va 34 kishi jarohat olgan.
Viloyat hokimligi binosida o`rnashib olgan jangarilar bilan hukumat vakillari o`rtasidagi muzokaralar kun bo`yi davom etdi. Muzokaralar jarayoniga jamoatchilik vakillari, jangarilarning qarindosh-urug`lari va manfaatdor shaxslar qo`shildi.
Ayollar, bolalar va garovga olinganlarni o`ziga pana qilib olgan jangarilar mojaroli vaziyatni kelishuv asosida hal qilishdan bosh tortdi.
Vujudga kelgan vaziyatni bartaraf etish uchun zarur choralar ko`rilmoqda.©
Print versiya
|
