Qozog‘iston Yozuvchilar uyushmasi raisi o‘zgardi
Bugun Olmaotada bo‘lib o‘tgan Qozog‘iston Yozuvchilarining 15-qurultoyida uyushmaga yangi rais saylandi.
Bugun Olmaotada bo‘lib o‘tgan Qozog‘iston Yozuvchilarining 15-qurultoyida uyushmaga yangi rais saylandi. QazAqparat muxbiri xabariga ko‘ra, Qozog‘iston Yozuvchilar uyushmasi raisligiga nomzod shoir Ulug‘bek Esdaueletga ko‘pchilik – 150 ijodkor ovoz bergan.So‘zga chiqqan yozuvchi-shoirlar Ulug‘bek Esdaueletning tashkilotchilik qobiliyatiga alohida to‘xtalib, uning nomzodini bir ovozdan ma’qullagan.
– Yozuvchilar uyushmasining vazifasi ijodkorlarni imkon qadar qo‘llab-quvvatlash, – dedi uyushmaning yangi raisi U.Esdauelet. – Tashkilotning faoliyati yangi davr ruhiga mos bo‘lishi kerak. Bizning baxtimizga “Ma’naviy yangilanish” dasturi (2017-yil aprel oyida Qozog‘iston Prezidenti Nursulton Nazarboyevning “Kelajakka yo‘nalish: ma’naviy yangilanish” nomli maqolasi e’lon qilingan edi. Unda ilgari surilgan masalalar, fikr-mulohazalar yuzasidan “Ma’naviy yangilanish” dasturi ishlab chiqilgan va bugun amalga oshirilmoqda) ro‘yobga chiqdi. Bu dasturni amalga oshirishda Yozuvchilar uyushmasining alohida o‘rni bo‘lishi zarur.