Размер шрифта: A A A
Цвет сайта: A A A A

15.12.2017 12:01 Chop etish versiyasi

Marokash Podshohligi 1,5 milliard dollarlik bitimlarni imzoladi

Londonda arab tilida nashr etilib, arab dunyosida keng tarqatiladigan “ash – Sharq al - Avsat” (“Yaqin Sharq”) gazetasi o‘zining 12 dekabrdagi sonida Marokash Podshohligi umumiy qiymati 1,5 mlrd. AQSh dollariga teng bo‘lgan bitimlarni imzolaganini xabar berdi.

Bitimlarda mamlakatda avtomobillar komponentlari va ehtiyot qismlari ishlab chiqaradigan 26 zavod qurilishi va 11,6 ming yangi ish o‘rni yaratilishi ko‘zda tutilgan. Zavodlar ishga tushirilishi bilan Marokash avtomobillar ishlab chiqarishni mahalliylashtirishni hozirgi 55 foizdan 2020 yilga borib, 65 foizga yetkazadi.

Marokash Podshohligi yuqoridagi bitimlarni Xitoy, Yaponiya, Janubiy Koreya, Fransiya, Ispaniya, Italiya, AQSh va Hindiston investorlar hamda Fransiyaning “Reno” va “Pejo” kompaniyalari bilan imzoladi.

Fathiddin Samariddinov tayyorladi

O‘zA
6 473