Xorijdan xabarlar

Buyuk Britaniya hukumati suvdan foydalanishni chekladi, deb xabar beradi RATA-TASS. Bunga mamlakatning shimoli-g’arbida havo haddan ziyod isib ketgani sabab bo’ldi. Suv ta’minoti bilan shug’ullanuvchi “Yunayted yutilitiz” kompaniyasi menejeri Jon Sandersning so’zlariga ko’ra, hukumat qarori suv tanqisligining oldini olishga xizmat qiladi.

08.07.2010 19:09 | Xorij xabarlari

Xorijdan xabarlar

Futbol bo’yicha jahon chempionatining yakunlovchi bosqichi o’tayotgani Janubiy Afrika Respublikasiga sayyohlar oqimini kuchaytirmoqda. Xabarlarga qaraganda, musobaqa boshlangandan keyingi davrda mamlakatga kelgan xorijlik sayyohlar soni bir milliondan oshgan. Birgina Keyptaun shahriga uch yuz ming sayyoh kelgan.

06.07.2010 20:28 | Xorij xabarlari

Xorijdan xabarlar

«General Motors» kompaniyasi elektr quvvati bilan harakatlanuvchi avtomobil yaratdi, deb xabar beradi RATA-TASS. «Electric Networked Vehicle» deb nomlangan yangi mashina bir martalik elektr zaxirasi bilan qirq kilometr masofani bosib o‘tadi. Ikki kishilik avtomobil ekologik toza. Shu bois unga talab katta bo‘lishi kutilmoqda. Ma’lumotlarga ko‘ra, yangi avtoulovni 2013 yildan ishlab chiqarish keng yo‘lga qo‘yiladi.

26.03.2010 18:08 | Xorij xabarlari

Xorijdan xabarlar

AQSH maktablarida «Pepsiko» kompaniyasi mahsulotlarining savdosi ta’qiqlandi, deb xabar beradi RATA-TASS. Bu mahsulotlarda me’yoridan ortiq qand moddasi mavjud bo‘lib, semizlik kasalini keltirib chiqarar ekan. Endilikda maktablarda «Koka-Kola» kompaniyasining ichimliklari ham sotilmaydi.

22.03.2010 17:57 | Xorij xabarlari

Xorijdan xabarlar

AQSH do‘konlarida bolalarga mo‘ljallangan zargarlik buyumlari savdosi taqiqlandi. Boisi, ularni tayyorlashda foydalaniladigan kadmiy moddasi turli xastaliklarni keltirib chiqarmoqda.

16.03.2010 19:01 | Xorij xabarlari

Xorijdan xabarlar

Yaponiyada chiqindidan yoqilg‘i ishlab chiqarish yo‘lga qo‘yildi. Uni tayyorlashda oziq-ovqat mahsulotlari qoldiqlaridan foydalaniladi. Qoldiqlar germetik idishga solinib, ustidan suv quyiladi. So‘ng bosim oshirilib, 200 darajagacha qizdiriladi. Yarim soatlik ishlov jarayoni natijasida torfga o‘xshagan yonuvchan modda hosil bo‘ladi.

09.03.2010 18:18 | Xorij xabarlari

Xorijdan xabarlar

Yaponiya olimlari elektr ta’minoti tizimini mustaqil boshqara oladigan turar-joy binosi loyihasini yaratdilar.

05.03.2010 18:57 | Xorij xabarlari

Tabiiy ofatlar avji

27 fevral kuni Chilida 8,8 ballik zilziza ro‘y berdi. Zilzila markazi mamlakat poytaxti Santyagodan 325 kilometr uzoqda – Tinch okeani tubida ekani aniqlangan.

01.03.2010 21:55 | Xorij xabarlari

Xorijdan xabarlar

Nyu-Yorkdan Parijga yo‘l olgan samolyot yoqilg‘i tizimida yuzaga kelgan muammo tufayli aeroportga qaytib qo‘nishga majbur bo‘ldi.

26.02.2010 12:23 | Xorij xabarlari

Xorijdan xabarlar

“Toyota” kompaniyasi ishlab chiqargan “Prius” rusumli avtomobillar xaridorlar tomonidan qaytarilmoqda. Boisi, ularning boshqaruv tizimidagi nosozlik tormoz ishlamay qolishiga sabab bo‘layotir. Ma’lumotlarga ko‘ra, Yaponiyaning o‘zida yuzdan ziyod xaridordan shikoyat tushgan. “Toyota” uch yuz mingga yaqin “Prius” mashinasini qaytarib olishni e’lon qilgan.

24.02.2010 16:49 | Xorij xabarlari

Xorijdan xabarlar

Yangi Zelandiya shifokorlarining ta’kidlashicha, maktab o‘quvchisi sumkasining og‘irligi bola vaznining o‘n foizidan oshmasligi lozim. Boisi, darsliklar bilan to‘ldirilgan og‘ir “yuk xalta” bolaning umurtqa pog‘onasi qiyshayishiga olib kelar ekan. Shu munosabat bilan mamlakatdagi barcha maktablarda o‘quvchilarning og‘ir sumka ko‘tarishi taqiqlanmoqda.

08.02.2010 16:17 | Xorij xabarlari

Xorijdan xabarlar

Xitoy yoshlari orasida internetga tobelik tobora ortib bormoqda. Mahalliy matbuotning yozishicha, 2009 yili ularning soni yigirma to‘rt millionga yetgan. Shifokorlar bunday tobelik asab kasalliklariga olib kelishini aytmoqda. Shu bois ko‘pchilik kasalxonalarda davolanmoqda.

04.02.2010 16:31 | Xorij xabarlari

Xorijdan xabarlar

Janubiy Koreyaning “Samsung Mobile Display” korporatsiyasi mobil telefonga mo‘ljallangan sensorli AMOLED-ekran yaratdi. Korea IT Times gazetasining yozishicha, uning diagonali 3,3 dyum, aniqligi – 800×480 piksel.

02.02.2010 16:26 | Xorij xabarlari

Xorijdan xabarlar

Kanadaning “DeanMark” kompaniyasi kompyuterlar uchun yangi “sichqoncha” ishlab chiqarishni yo‘lga qo‘ydi, deb xabar beradi RATA-TASS. AirMouse nomli bu qurilma qo‘lga qo‘lqop singari kiyiladi va hech qanday quvvat olmasdan bir haftagacha ishlay oladi.

01.02.2010 15:26 | Xorij xabarlari

Xorijdan xabarlar

AQSHda yuk mashinasi va avtobus haydovchilari uchun harakat vaqtida SMS jo‘natish va o‘qishni taqiqlash to‘g‘risida qonun qabul qilindi. Uni buzgan shaxsga 2750 AQSH dollari miqdorida jarima solinadi.

28.01.2010 19:16 | Xorij xabarlari