Xalqaro bank kartalari bo‘yicha onlayn tarzda aviachiptalar xarid qilish imkoni yaratildi
Keyingi bosqichda MasterCard, American Express plastik kartalari va boshqa turdagi kartalardan foydalanish imkonini beruvchi xalqaro to‘lov tizimini ulash ko‘zda tutilgan.
“Oʻzbekiston havo yoʻllari” Milliy aviakompaniyasi O‘zbekiston Respublikasi TIF MB bilan hamkorlikda aviachiptalarni aviakompaniyaning korporativ sayti orqali sotilishini ta’minlash bo‘yicha loyihaning navbatdagi bosqichini ishga tushirdi. Unga ko‘ra aviachipta uchun to‘lovlarni xalqaro bank kartalari orqali amalga oshirish mumkin. 10-noyabrdan boshlab aviachipta uchun haqni VISA bank kartalari orqali to‘lash mumkin.Keyingi bosqichda MasterCard, American Express plastik kartalari va boshqa turdagi kartalardan foydalanish imkonini beruvchi xalqaro to‘lov tizimini ulash ko‘zda tutilgan.
Axborot texnologiyalari va kommunikatsiyalarini rivojlantirish vazirligi va MB ning bevosita ishtirokida, shuningdek, elektron kommersiyasini rivojlantirishga to‘sqinlik qiluvchi sabablarni bartaraf etish yuzasidan o‘tkazilgan chora-tadbirlar, interaktiv xizmatlarni joriy qilish uchun tegishli sharoitlarning yaratilishi ushbu loyihaning qisqa muddatlarda amalga oshirilishiga xizmat qiladi.
Interaktiv xizmatlarni ko‘rsatish bo‘yicha tadbirlar majmuasini amalga oshirish “Oʻzbekiston havo yoʻllari” MAK qatnovlariga aviachiptalarni dunyoning istalgan nuqtasida sotishga imkon beradi.