Zamonaviy telefon tarmoqlari

O‘zA, A.Muhammadiyev, 25.01.2010 18:08

Qashqadaryo viloyatida 129 telefon stansiyasi 55 ming 700 abonentga xizmat ko‘rsatmoqda. 2009 yilda Qashqadaryo viloyatining 16 qishlog‘iga 21 ming 536 portga mo‘ljallangan «Koinot El-SGM» qurilmalari o‘rnatilib, aholiga sifatli telefon aloqasi, internet xizmati ko‘rsatish yo‘lga qo‘yildi.

Ayni vaqtda Kasbi, Yakkabog‘ tumanlarida uchta qishloq telefon stansiyasi rekonstruksiya qilinib, foydalanishga topshirildi.

– Ijtimoiy obyektlarni telefonlashtirish, qishloq telekommunikatsiya infratuzilmasini modernizatsiya qilish, aholiga yangi xizmat turlarini ko‘rsatishni kengaytirish, ayniqsa, olis qishloqlarni zamonaviy aloqa va internet xizmatlari bilan taminlash ishlari izchil amalga oshirilmoqda, – deydi «O‘zbektelekom» aksiyadorlik kompaniyasining «Qashqadaryotelekom» filiali texnik direktori Baxtiyor Jabborov. – Shu maqsadda viloyatga «Koinot El-SGM» qurilmalari olib kelindi. Shuningdek, 671 maktab bepul simsiz aloqa bilan taminlandi.

So‘nggi yangiliklar:

Boshlang‘ich tashkilotlarning muhim vazifalari

O‘g‘lonlar xizmatga otlandi

Majmua yoshlar bilan gavjum

Loydan mo‘jiza yaratish san’ati

San’atsevar bolalar