Poytaxt birinchiligida g‘oliblar aniqlandi
Poytaxtimizda Toshkent shahar kasaba uyushmalari tashkilotlari birlashmasi kengashi poytaxt birinchiligi uchun shaxmat bo‘yicha musobaqa o‘tkazdi. Unda jamoaviy hamda yakkalik bahslarida g‘oliblar aniqlandi.
Poytaxtimizda Toshkent shahar kasaba uyushmalari tashkilotlari birlashmasi kengashi poytaxt birinchiligi uchun shaxmat bo‘yicha musobaqa o‘tkazdi. Unda jamoaviy hamda yakkalik bahslarida g‘oliblar aniqlandi.Jamoaviy bahslarda ta’lim, fan va madaniyat sohasi xodimlaridan iborat bo‘lgan guruh g‘olib bo‘ldi. Ayollar o‘rtasidagi yakkalik bahslarida Yulduz Shoho‘jayeva shohsupaning yuqori pog‘onasidan joy oldi. Keyingi o‘rinlar Nodira Rahmatova va Iroda Salimovaga nasib etdi. Erkaklar o‘rtasidagi bellashuvlarda Akmal Ismoilov birinchi o‘rinni egalladi. Ozodbek Abduraimov va Musurmonqul Berdiqulov shohsupaning 2- va 3-o‘rinlarini zabt etdi.
Musobaqa g‘olibi va sovrindorlari tashkilotchilarning diplom va esdalik sovg‘alari bilan taqdirlandi.