O‘zA O`zbek

14.12.2017 14:40 Chop etish versiyasi

Jo‘rabek va Saida’lo bosh sovrinni ko‘zlamoqda

Qatarda Xalqaro tennis federatsiyasi tomonidan tashkil etilgan “Fyuchers” turkumiga kiruvchi turnirda Jo‘rabek Karimov yakkalik va juftlik bahslarida muvaffaqiyatli qatnashmoqda.

Turnirning birinchi davrasida Jo‘rabek Karimov italiyalik Mirko Kutulini 7:5, 6:3, ikkinchi davrada fransiyalik Entoni Eskoffiyerni 6:4, 6:1 hisobida mag‘lubiyatga uchratdi. Endi tennischimiz yarim final yo‘llanmasini qo‘lga kiritish uchun germaniyalik Jorj Fon Massouga qarshi kortga chiqadi.

Musobaqaning juftlik bahslarida J.Karimov yana bir iste’dodli tennischimiz Saida’lo Saidkarimov bilan birga dastlab Bosniya va Gersegovina vakili Nerman Fatich hamda polshalik Mateush Terchinskini 6:3, 6:4, chorak finalda fransiyalik Jeymi Floyd Anjel va Ugo Umberni 6:2, 6:0 hisobida yengib, yarim finalga chiqdi.

Shu tariqa Jo‘rabek va Saida’lo yarim finalda xorvatiyalik Fran Zvonimir Zgombik va rossiyalik Aslan Karatsev juftligi bilan bahslashadigan bo‘ldi.

Javohir Toshxo‘jayev, O‘zA
5 816