Размер шрифта: A A A
Цвет сайта: A A A A

16.03.2017 16:35 Chop etish versiyasi

“Kamolot” shaxmat taxtasi”: Navoiyda yosh iste’dodlar saralandi

“Kamolot” shaxmat taxtasi”: Navoiyda yosh iste’dodlar saralandi Umumta’lim maktablari, akademik litsey va kasb-hunar kollejlari o‘quvchilari o‘rtasidagi “Kamolot” shaxmat taxtasi” turnirining Navoiy viloyati bosqichida 100 nafar havaskor shaxmatchi ishtirok etdi.

Birinchi Prezidentimizning 2014-yil 6-fevraldagi “O‘zbekiston Respublikasida yoshlarga oid davlat siyosatini amalga oshirishga qaratilgan qo‘shimcha chora-tadbirlar to‘g‘risida”gi qarori ijrosi doirasida tashkil etilgan musobaqa yoshlar o‘rtasida sportni ommalashtirish, aql charxi bo‘lgan shaxmat o‘yiniga ixlosmand yoshlarni munosib rag‘batlantirishda muhim dasturilamal bo‘lmoqda.

Musobaqada 5 yosh toifasidagi shaxmatchilar g‘oliblik uchun dona surdi. O‘n nafar o‘g‘il-qiz turnirning mamlakat bosqichiga yo‘llanma oldi.

– Shaxmatga qiziqqanim tufayli otam meni shaxmat to‘garagiga berdi, – deydi Xatirchi tumanidan Marg‘uba Boboqandova. – Ustozlarim ko‘magida mahoratimni oshirib, “Kamolot” shaxmat taxtasi” turnirida g‘olib bo‘lishga erishdim. Kelgusida O‘zbekistonimiz shaxmat maktabi an’analarini davom ettirgan holda eng yirik xalqaro turnirlarda muvaffaqiyatli ishtirok etishni maqsad qilganman.

Nuriddin Rahimov, Siroj Aslonov (surat), O‘zA
290






Все о погоде - Pogoda.uz