Futbol: kuchlilar Buxoroda aniqlandi
Buxoroda professional futbol klublari qoshidagi futbol maktablarining 2001-2002-yillarda tug‘ilgan tarbiyalanuvchilari o‘rtasida O‘zbekiston birinchiligi final uchrashuvlari bo‘lib o‘tdi.
Buxoroda professional futbol klublari qoshidagi futbol maktablarining 2001-2002-yillarda tug‘ilgan tarbiyalanuvchilari o‘rtasida O‘zbekiston birinchiligi final uchrashuvlari bo‘lib o‘tdi.O‘zbekiston Professional futbol ligasi tomonidan iqtidorli yoshlarni aniqlash maqsadida tashkil etilgan musobaqada “Bunyodkor” (Toshkent), “Paxtakor” (Toshkent), “Buxoro” (Buxoro), “Navbahor” (Namangan), “Nasaf” (Qarshi), “Neftchi” (Farg‘ona), “Mash’al” (Muborak) va “O‘zDongJu” (Andijon) jamoalari tarbiyalanuvchilari g‘oliblik uchun bahslashdi.
Musobaqa finalida “Bunyodkor” klubi tarbiyalanuvchilari “Paxtakor” a’zolariga qarshi maydonga tushdi. Uchrashuvning asosiy vaqtida hisob ochilmadi va g‘olib jamoa penaltilar seriyasida aniqlandi. Unda yosh “Bunyodkorchi"larning qo‘li baland keldi – 4:3.
Uchinchi o‘rin uchun bahsda “O‘zDongJu” jamoasi “Buxoro” ustidan g‘alaba qozondi.
Musobaqa g‘olib va sovrindorlari munosib taqdirlandi.