Futbol bo‘yicha O‘zbekiston chempionati oliy ligasi 28-tur o‘yinlari boshlandi
“Mash’al” o‘z maydonida “Qizilqum”ni yirik 4:0 hisobida mag‘lubiyatga uchratdi. Gollarga Igor Timanyuk, Nikita Pavlenko, Humoyun Murtazoyev, Shahzod Shaymanov mualliflik qildi.
“Mash’al” o‘z maydonida “Qizilqum”ni yirik 4:0 hisobida mag‘lubiyatga uchratdi. Gollarga Igor Timanyuk, Nikita Pavlenko, Humoyun Murtazoyev, Shahzod Shaymanov mualliflik qildi.Namanganda o‘tkazilgan “Navbahor” va “So‘g‘diyona” o‘rtasidagi uchrashuvning 29-daqiqasida A’zam Aliyev hisobni ochgan bo‘lsa, 38-daqiqada Nemanya Yovanovich raqib darvozasini ishg‘ol etib, hisobni 2:0 ga yetkazdi. Ikkinchi bo‘limning boshlarida “So‘g‘diyona” jamoasi a’zosi Sanjar Rashidov hisobni qisqartirdi – 2:1. Bu golga javoban namanganlik futbolchilar Azizbek Turg‘unboyev va Abbos Otaxonov vaziyatlardan unumli foydalanib, hisobni 4:1 ga yetkazdi.
Shuningdek, “Dinamo” “Neftchi”ni 1:0, “Lokomotiv” “Buxoro”ni 2:0 hisobida yengdi.
Bugun, 9 noyabr kuni “Nasaf” – “Sho‘rtan”, “Paxtakor” – “Olmaliq” va “Qo‘qon-1912” – “Bunyodkor” jamoalari o‘rtasidagi uchrashuvlar bo‘lib o‘tadi.
Bugun, 9 noyabr kuni “Nasaf” – “Sho‘rtan”, “Paxtakor” – “Olmaliq” va “Qo‘qon-1912” – “Bunyodkor” jamoalari o‘rtasidagi uchrashuvlar bo‘lib o‘tadi.