Sport xabarlari

O‘zA, 29.08.2010 17:09

BOKS. Rossiyada o‘tkazilgan xalqaro turnirda o‘n besh mamlakatdan 100 nafardan ziyod bokschi o‘n bir vazn toifasida g‘oliblik uchun kuch sinashdi. Musobaqada qatnashgan hamyurtlarimiz – Alisher Mahmudov va Bobur Aytboyev kumush, Shohruh Isoqov va O‘ktam Rahmonov bronza medalni qo‘lga kiritdi.

YENGIL ATLETIKA. Fransiyada dunyoning eng kuchli yengil atletikachilari ishtirokida o‘tkazilgan “Meeting Lille-Metropol” xalqaro turnirida yurtimiz sharafini himoya qilgan Svetlana Radzivil balandlikka sakrash bellashuvlarida 1 metr 88 santimetr natija bilan g‘olib bo‘ldi.

FUTBOL. O‘zbekiston XIX milliy chempionatining oliy ligasida o‘n sakkizinchi turning so‘nggi uchrashuvi o‘tkazildi. Yuqori o‘rinlar uchun kurashayotgan G‘uzorning “Sho‘rtan” jamoasi o‘z maydonida chempionat autsayderi – “Xorazm” (Urganch) futbolchilarini qabul qilib, 4:1 hisobida zafar quchdi. “Sho‘rtan” jami 31 ochko bilan musobaqa jadvalining to‘rtinchi pog‘onasida.

So‘nggi yangiliklar:

Boshlang‘ich tashkilotlarning muhim vazifalari

O‘g‘lonlar xizmatga otlandi

Majmua yoshlar bilan gavjum

Loydan mo‘jiza yaratish san’ati

San’atsevar bolalar