Shaxmatchimiz peshqadam

O‘zA, Z.Toshxo‘jayev, 25.08.2010 16:48

Filippin poytaxti Manila shahrida shaxmat bo‘yicha ellik nafarga yaqin shaxmatchi ishtirokida o‘tkazilayotgan “Prospero Pichay Cup” xalqaro turnirida o‘zbekistonlik grossmeyster Anton Filippov yetakchilik qilmoqda.

Xalqaro turnirning dastlabki turida eronlik shaxmatchi ayol Atousa Purkashiyondan ustun kelib, peshqadamlikni o‘z qo‘liga olgan A.Filippov qolgan barcha uchrashuvlarni bosh sovringa da’vogarlik qilayotgan kuchli raqiblarga qarshi o‘tkazmoqda. Olti uchrashuvda dona surgan hamyurtimiz filippinlik shaxmatchilar – Olivera Demakiling, Yason Gonsales, Jon Paul Gomesni mot qildi, qozog‘istonlik Murtas Kojgaleyev va gruziyalik Tamaz Gelashvili bilan durang o‘ynadi.

Hozircha, olti imkoniyatdan besh ochko jamg‘argan holda musobaqa jadvalida birinchi o‘rinda borayotgan Anton Filippov yettinchi turda asosiy raqobatchilardan biri – gruziyalik grossmeyster Merab Gagunashviliga qarshi qora donalarda o‘ynaydi.

So‘nggi yangiliklar:

Boshlang‘ich tashkilotlarning muhim vazifalari

O‘g‘lonlar xizmatga otlandi

Majmua yoshlar bilan gavjum

Loydan mo‘jiza yaratish san’ati

San’atsevar bolalar