Hamyurtlarimiz keyingi bosqichda

O‘zA, Zohir Toshxo‘jayev, 27.07.2010 16:27

Qozog‘istonda tennis bo‘yicha xotin-qizlar o‘rtasida davom etayotgan Xalqaro tennis federatsiyasi (ITF) musobaqalari taqvimiga kiritilgan turnirda dunyoning o‘ndan ziyod mamlakatidan kelgan raketka ustalari qatorida o‘zbekistonlik sportchilar muvaffaqiyatli ishtirok etmoqda.

Iste’dodli tennischimiz Albina Xabibulina dastlabki bosqichda mezbonlar vakilasi Darya Berejnayaga qarshi kortga chiqib, 6:4, 4:6, 6:1 hisobida zafar quchdi. Yana bir hamyurtimiz Nigina Abduraimova birinchi uchrashuvini rossiyalik Yelena Kulichkovaga qarshi o‘tkazadigan bo‘ldi.

Har ikki tennischimiz juftlik bellashuvlarini ham muvaffaqiyatli boshladi. Albina Xabibulina qirg‘izistonlik Kseniya Palkina bilan hamkorlikda qozog‘istonlik oilaviy duet Darya va Natalya Berejnayani 6:2, 6:2 hisobida mag‘lubiyatga uchratdi. Mezbon tennischi Zarina Diyas bilan birga o‘ynayotgan Nigina Abduraimova esa Rossiya vakilasi Valeriya Maksimchenko va qozog‘istonlik Valentina Starkova juftligini 6:0, 7:5 hisobida dog‘da qoldirdi.

So‘nggi yangiliklar:

Ob-havo ma’lumoti

Konsalting xizmatlari rivojlanmoqda

Buyuk ajdodlarni yod etib...

Qizlar tarbiyasi – dolzarb vazifa

Mangu ilhom manbai