Chavandozlar bellashuvi

O‘zA, A.Sattorov, 09.02.2010 09:40

Namangan shahridagi “Otchopar” sport majmuasida ko‘pkari bo‘yicha “Oltin vodiy” respublika ochiq birinchiligi bo‘lib o‘tdi.

Musobaqada Toshkent shahri, Namangan, Toshkent, Andijon, Farg‘ona, Surxondaryo, Jizzax viloyatlari chavandozlari o‘zaro bellashdi. Qizg‘in kechgan bahslar yakuniga ko‘ra, poytaxt viloyati jamoasi musobaqa g‘olibi bo‘ldi. Ikkinchi o‘rin Namangan, uchinchi o‘rin Andijon viloyati jamoalariga nasib etdi.

Chavandozlar bayrami doirasida mazkur sport majmuasida qishloq xo‘jalik mahsulotlari yarmarkasi ham tashkil etildi. Unda viloyatning barcha tumanlaridan kelgan dehqon va fermerlar o‘zlari yetishtirgan mahsulotlar bilan ishtirok etdi.

So‘nggi yangiliklar:

Ob-havo ma’lumoti

Konsalting xizmatlari rivojlanmoqda

Buyuk ajdodlarni yod etib...

Qizlar tarbiyasi – dolzarb vazifa

Mangu ilhom manbai