Harbiy qismdagi uchrashuv

O'zA, X.Salimov, 31.08.2010 11:34

Mamlakatimizda “Bu muqaddas Vatanda azizdir inson” ezgu g’oyasini o’zida mujassam etgan ma’naviy-ma’rifiy tadbirlar, ko’rik-tanlov hamda uchrashuvlar davom etmoqda.

O’zbekiston Mudofaa vazirligiga qarashli harbiy qism va “Kamolot” yoshlar ijtimoiy harakati Toshkent shahar bo’limi kengashi hamkorligida poytaxtimizda tashkil etilgan ana shunday tadbirda davlatimiz rahbari rahnamoligida istiqlol yillari yurtimizda barcha jabhalarda amalga oshirilgan keng ko’lamli islohotlar, xususan, harbiy sohani yanada takomillashtirish bo’yicha qilingan ishlar o’zining yuksak samaralarini berayotgani ta’kidlandi.

Mamlakatimiz mustaqilligining 19 yilligiga bag’ishlangan mazkur bayram tadbiri doirasida o’tkazilgan “Vatan himoyasi – muqaddas burch” ko’rik-tanlovida ishtirok etgan askarlar qator shartlar bo’yicha o’z intellektual salohiyati, jismoniy tayyorgarligi, iste’dod hamda qobiliyatini sinovdan o’tkazdi. G’oliblarga tashkilotchilarning maxsus diplom va sovg’alari topshirildi.

Tadbir ishtirokchilari harbiy qismda askarlar uchun yaratilgan shart-sharoit bilan tanishdilar. San’atkorlar tomonidan istiqlolni, Vatanni madh etuvchi kuy-qo’shiqlar yangradi.

So‘nggi yangiliklar:

Barkamol avlod – mamlakatimizning mustahkam tayanchi

Boshlang‘ich tashkilotlarning muhim vazifalari

O‘g‘lonlar xizmatga otlandi

Majmua yoshlar bilan gavjum

Loydan mo‘jiza yaratish san’ati