Uzunbuloqda yangi maktab

O‘zA, T.Beknazarov, 30.07.2010 11:55

Eng ulug‘, eng aziz ayyom – Mustaqillik bayrami tobora yaqinlashayotgan shu kunlarda Jizzax viloyati Baxmal tumani Uzunbuloq qishloq fuqarolar yig‘inidagi 54-maktabning yangi binosi foydalanishga topshirildi.

Uzunbuloq, Yangiobod, Sho‘rbuloq qishloqlari o‘quvchi-yoshlari ta’lim oladigan ushbu 216 o‘rinli zamonaviy maktabda yorug‘, shinam sinf xonalari, fan kabinetlari bilan birga kompyuter xonasi, fizika, kimyo laboratoriyalari, axborot-resurs markazi va sport zali ham barpo etildi.

– Davlatimiz rahbarining ta’lim sohasiga qaratayotgan ulkan e’tibori va g‘amxo‘rligi tufayli farzandlarimiz yangi o‘quv yilini havas qilsa arzigulik yangi maktabda boshlaydigan bo‘ldilar, – deydi uzunbuloqlik mehnat faxriysi Ro‘ziboy Gulmurodov. – Qishlog‘imiz ko‘rkiga ko‘rk qo‘shgan maktabda yaratilgan qulayliklarni ko‘rib ko‘z quvonadi, dil yayraydi.

Yangi o‘quv yili arafasida tumandagi Gulbuloq qishlog‘ida ham 315 o‘rinli yangi maktab qad rostladi.

So‘nggi yangiliklar:

To‘kinlik, farovonlik va baraka omili

Xolisona tahlil va tanqid ruhida

Ulkan jasorat namunasi

Ustuvor vazifalar muhokama etildi

Qo‘shimcha imtiyozlar: sifat va samaradorlik