O‘zbekiston Respublikasi Prezidenti Shavkat Mirziyoyev ShHTning Ostona sammiti doirasida Ispaniya Qiroli Filipp VI bilan muzokara o‘tkazdi.

Ostona, 9-iyun. O‘zA maxsus muxbiri Abu Bakir O‘rozov xabar qiladi.

O‘zbekiston Respublikasi Prezidenti Shavkat Mirziyoyev ShHTning Ostona sammiti doirasida Ispaniya Qiroli Filipp VI  bilan muzokara o‘tkazdi.

O‘zbekiston rahbari mamlakatlarimiz o‘rtasidagi an’anaviy do‘stlik munosabatlari uzoq o‘tmishga borib taqalishini ta’kidladi.

Olti asr muqaddam Sohibqiron Amir Temur va Kastiliya qiroli Enrike III sa’y-harakati bilan Samarqandda va Kastiliya poytaxti Segoviyada elchixonalar ta’sis etilgan. O‘zaro hamkorlikning bugungi yuksak darajasiga O‘zbekiston Respublikasining Birinchi Prezidenti Islom Karimov va Qirol Xuan Karlos I o‘rtasida qaror topgan alohida munosabatlar tufayli erishildi.

Shavkat Mirziyoyev va Filipp VI suhbatda ikki tomonlama munosabatlarni rivojlantirish istiqbollarini muhokama etib, xalqaro ahamiyatga ega dolzarb masalalar yuzasidan fikr almashdilar.

Tomonlar davlatlararo aloqalarni kengaytirishda oliy darajadagi muloqot muhim o‘rin tutishini ta’kidladi. Tashqi siyosat mahkamalarining muntazam maslahatlashuvlari nafaqat dolzarb mintaqaviy va xalqaro siyosat masalalari bo‘yicha fikr almashish, balki turli darajadagi kelgusi uchrashuvlar jadvali va kun tartibini ishlab chiqish hamda kelishish imkonini bermoqda.

Davlatlararo munosabatlarning muhim bug‘ini bo‘lgan savdo-iqtisodiy va investitsiyaviy hamkorlikni rivojlantirish masalasi ham tomonlar diqqat markazida bo‘ldi.

Ikki tomonlama savdo sohasida ko‘plab qulayliklar yaratilib, sezilarli darajada, ya’ni joriy yilning dastlabki 4 oyida to‘rt barobar o‘sishga erishilganiga qaramasdan, bu boradagi ko‘rsatkichlar hamon yuqori emas. O‘zaro savdo hajmini ko‘paytirish va tarkibini kengaytirish zarurligi qayd etildi. O‘zbekiston bilan Ispaniya buning uchun barcha imkoniyat va salohiyatga ega ekani ta’kidlandi.

O‘zbekiston mamlakatimizda Ispaniya biznesining, xususan, neft-gaz, energetika, kimyo, farmatsevtika, to‘qimachilik, pardozlash materiallari va sopol mahsulotlar ishlab chiqarish sohasida yuqori texnologiyali korxonalar tashkil etish bo‘yicha qo‘shma loyihalarni amalga oshirish orqali kengayishidan manfaatdordir.

Ispaniya turizm sohasida ulkan natijalarga erishgan va bu borada jahon miqyosida ilg‘or tajribaga ega. Shu munosabat bilan tomonlar ushbu sohada uzoq muddatli tizimli hamkorlik o‘rnatish, boshqacha aytganda, strategik sheriklikni yo‘lga qo‘yish imkoniyatlarini muhokama qildi.

Iqtisodiy hamkorlik bo‘yicha hukumatlararo qo‘shma komissiya tashkil etish va uning dastlabki majlisini shu yil Toshkentda o‘tkazish to‘g‘risidagi masala ham ko‘rib chiqildi.

Oʻzbek
Chinese
Turkish
Tajik
Kyrgyz
Turkmen
Japanese
Arabic
English
French
Spanish
Русский
German
Ўзбек
Oʻzbek
Қазақ
Shavkat Mirziyoyev Ispaniya Qiroli bilan uchrashdi

O‘zbekiston Respublikasi Prezidenti Shavkat Mirziyoyev ShHTning Ostona sammiti doirasida Ispaniya Qiroli Filipp VI bilan muzokara o‘tkazdi.

Ostona, 9-iyun. O‘zA maxsus muxbiri Abu Bakir O‘rozov xabar qiladi.

O‘zbekiston Respublikasi Prezidenti Shavkat Mirziyoyev ShHTning Ostona sammiti doirasida Ispaniya Qiroli Filipp VI  bilan muzokara o‘tkazdi.

O‘zbekiston rahbari mamlakatlarimiz o‘rtasidagi an’anaviy do‘stlik munosabatlari uzoq o‘tmishga borib taqalishini ta’kidladi.

Olti asr muqaddam Sohibqiron Amir Temur va Kastiliya qiroli Enrike III sa’y-harakati bilan Samarqandda va Kastiliya poytaxti Segoviyada elchixonalar ta’sis etilgan. O‘zaro hamkorlikning bugungi yuksak darajasiga O‘zbekiston Respublikasining Birinchi Prezidenti Islom Karimov va Qirol Xuan Karlos I o‘rtasida qaror topgan alohida munosabatlar tufayli erishildi.

Shavkat Mirziyoyev va Filipp VI suhbatda ikki tomonlama munosabatlarni rivojlantirish istiqbollarini muhokama etib, xalqaro ahamiyatga ega dolzarb masalalar yuzasidan fikr almashdilar.

Tomonlar davlatlararo aloqalarni kengaytirishda oliy darajadagi muloqot muhim o‘rin tutishini ta’kidladi. Tashqi siyosat mahkamalarining muntazam maslahatlashuvlari nafaqat dolzarb mintaqaviy va xalqaro siyosat masalalari bo‘yicha fikr almashish, balki turli darajadagi kelgusi uchrashuvlar jadvali va kun tartibini ishlab chiqish hamda kelishish imkonini bermoqda.

Davlatlararo munosabatlarning muhim bug‘ini bo‘lgan savdo-iqtisodiy va investitsiyaviy hamkorlikni rivojlantirish masalasi ham tomonlar diqqat markazida bo‘ldi.

Ikki tomonlama savdo sohasida ko‘plab qulayliklar yaratilib, sezilarli darajada, ya’ni joriy yilning dastlabki 4 oyida to‘rt barobar o‘sishga erishilganiga qaramasdan, bu boradagi ko‘rsatkichlar hamon yuqori emas. O‘zaro savdo hajmini ko‘paytirish va tarkibini kengaytirish zarurligi qayd etildi. O‘zbekiston bilan Ispaniya buning uchun barcha imkoniyat va salohiyatga ega ekani ta’kidlandi.

O‘zbekiston mamlakatimizda Ispaniya biznesining, xususan, neft-gaz, energetika, kimyo, farmatsevtika, to‘qimachilik, pardozlash materiallari va sopol mahsulotlar ishlab chiqarish sohasida yuqori texnologiyali korxonalar tashkil etish bo‘yicha qo‘shma loyihalarni amalga oshirish orqali kengayishidan manfaatdordir.

Ispaniya turizm sohasida ulkan natijalarga erishgan va bu borada jahon miqyosida ilg‘or tajribaga ega. Shu munosabat bilan tomonlar ushbu sohada uzoq muddatli tizimli hamkorlik o‘rnatish, boshqacha aytganda, strategik sheriklikni yo‘lga qo‘yish imkoniyatlarini muhokama qildi.

Iqtisodiy hamkorlik bo‘yicha hukumatlararo qo‘shma komissiya tashkil etish va uning dastlabki majlisini shu yil Toshkentda o‘tkazish to‘g‘risidagi masala ham ko‘rib chiqildi.