Размер шрифта: A A A
Цвет сайта: A A A A

11.12.2017 19:47 Chop etish versiyasi

Qirg‘iziston Respublikasi Prezidenti 13-14 dekabr kunlari rasmiy tashrif bilan mamlakatimizda bo‘ladi

O‘zbekiston Respublikasi Prezidenti Shavkat Mirziyoyevning taklifiga binoan Qirg‘iziston Respublikasi Prezidenti Sooranbay Jeenbekov 13-14-dekabr kunlari rasmiy tashrif bilan mamlakatimizda bo‘ladi.

O‘zbekiston Respublikasi Prezidentining Matbuot xizmati xabar qilishicha, oliy darajadagi uchrashuv va muzokaralarda siyosiy, savdo-iqtisodiy, transport-kommunikatsiya, madaniy-gumanitar va boshqa sohalardagi davlatlararo aloqalarning bugungi holati va yanada rivojlantirish istiqbollari, chegaraoldi hamkorlik masalalari, ayrim mintaqaviy va xalqaro muammolarni muhokama qilish rejalashtirilgan.

Tashrif yakunlari bo‘yicha davlat rahbarlarining Qo‘shma bayonoti, turli sohalardagi o‘zaro munosabatlarni yanada mustahkamlash va kengaytirishga qaratilgan bir qator hukumatlararo va idoralararo hujjatlar imzolanishi kutilmoqda.

O‘zA
6 849