Maktabgacha ta’lim takomillashmoqda
Prezidentimizning joriy yil 9-sentabrdagi «Maktabgacha ta’lim tizimini tubdan takomillashtirish chora-tadbirlari to‘g‘risida»gi qarori yosh avlodning maktab ta’limiga tayyorgarlik darajasini tubdan yaxshilashda muhim dasturilamal bo‘lmoqda.
Prezidentimizning joriy yil 9-sentabrdagi «Maktabgacha ta’lim tizimini tubdan takomillashtirish chora-tadbirlari to‘g‘risida»gi qarori yosh avlodning maktab ta’limiga tayyorgarlik darajasini tubdan yaxshilashda muhim dasturilamal bo‘lmoqda.Samarqand shahridagi «Komronjon Olim Nur» nodavlat maktabgacha ta’lim-tarbiya muassasasi 35 nafar kichkintoyni o‘z bag‘riga olgan. Muassasada «Bolajon», «Bilimdon» dasturlari asosida mashg‘ulotlar yo‘lga qo‘yilgan. Ingliz tili, badiiy gimnastika, taekvondo to‘garaklari muntazam faoliyat ko‘rsatmoqda.
–Prezidentimizning maktabgacha ta’lim tizimini isloh qilish borasidagi qator hujjatlari davlat muassasalari bilan birga, nodavlat maktabgacha ta’lim muassasalari faoliyatini rivojlantirish, ular o‘rtasida sog‘lom raqobatni shakllantirishga xizmat qilmoqda, – deydi muassasa mudirasi Zamira Abdullayeva. – Muassasamizda ta’lim-tarbiya ishlari sifatini oshirish, tarbiyachilar malaka va mahoratini yuksaltirish, ta’lim jarayoniga zamonaviy pedagogik texnologiyalarni joriy etishga alohida e’tibor qaratilmoqda.