Размер шрифта: A A A
Цвет сайта: A A A A

14.12.2017 15:09 Chop etish versiyasi

Tojikistonda yil boshidan beri narx va tariflar 6,3 foizga oshdi

Tojikiston iste’mol sektoridagi inflatsiya darajasi noyabr oyida 0,3 foizni tashkil qildi. Shu tariqa dekabr oyi boshiga kelib mamlakatdagi narx va tariflardagi o‘sish 6,3 foizga yetdi, deya xabar bermoqda Tojikiston Respublikasi Milliy banki axborot xizmati.

Yillik inflatsiya 6,7 foizni tashkil etgani holda Milliy bankning o‘rta istiqboldagi maqsadli ko‘rsatkichlari darajasiga yaqinlashdi.

Bank xabarnomasida ta’kidlanishicha, so‘nggi oylarda ayrim turdagi eng zarur oziq-ovqat mahsulotlari narxi barqarorligicha qolmoqda.

Inflatsiya darajasining pastligini regulyator “aksilinflyatsiyaviy monetar siyosatning faollashuvi” hamda “ichki valyuta bozoridagi vaziyatning barqarorlashuvi” bilan bog‘lamoqda.

2016-yil yakunlari bo‘yicha mamlakatda inflatsiya darajasi 6,1 foizni tashkil etgandi. So‘nggi yillardagi eng yuqori inflatsiya darajasi 2011 yilda kuzatilgan bo‘lib, narx va tariflar 12,5 foizga oshgan edi.

O‘zA
2 729