Milliy va zamonaviy mahsulotlar eksport qilinmoqda
Termiz shahridagi “Surxon ipagi” mas’uliyati cheklangan jamiyatida ipak tolasidan gilamdo‘zlik va tikuvchilik mahsulotlari tayyorlanadi.
Termiz shahridagi “Surxon ipagi” mas’uliyati cheklangan jamiyatida ipak tolasidan gilamdo‘zlik va tikuvchilik mahsulotlari tayyorlanadi.Korxonada 150 kishi doimiy ish bilan ta’minlangan. Ular tayyorlayotgan milliy va zamonaviy uslubdagi gilamlar, tikuv ishlari, bejirim liboslar Rossiya, Xitoy, Turkiya, Hindiston, Yaponiya, Latviya, Pokiston, Afg‘oniston kabi davlatlarga eksport qilinmoqda.
– Shogirdlarim bilan “Ko‘zacha”, “Iroqi”, “Bodomgul” singari 12 xildagi naqsh tushirilgan gilam to‘qiymiz, - deydi korxona gilamdo‘zi Dilafro‘z Vallayeva. – To‘qish jarayonida gilamlarga milliylik ruhi singdirib, zamonaviy ko‘rk beramiz. Mahsulotimizning sifati va dizayni xaridorlarga manzur bo‘lmoqda.
Korxona qoshida tashkil etilgan muzeyda ipak tolasining ishlab chiqarilish jarayoni hamda undan tayyorlanadigan barcha turdagi mahsulotlarni ko‘rish mumkin.