Yangi tarmoq ishga tushdi

O‘zA, M.Sulaymonov, 02.09.2010 11:59

Mamlakatimizdagi yirik sanoat korxonalaridan biri – “Farg‘onaazot” aksiyadorlik jamiyatida yangi tarmoq ish boshladi.

Iste’mol sodasi ishlab chiqaruvchi mazkur tarmoq ishga tushirilgach, qirqqa yaqin yangi ish o‘rni yaratildi.

Prezidentimiz Islom Karimov rahnamoligida mamlakatimizda izchil amalga oshirilayotgan Inqirozga qarshi choralar dasturida ishlab chiqarishni modernizatsiya qilish, xorijiy investitsiyalarni jalb etishga alohida e’tibor qaratilgan. Farg‘ona viloyatida joriy yilning birinchi yarmida sanoat yo‘nalishida 68 loyiha amalga oshirildi. Xususan, “Farg‘onaazot” aksiyadorlik jamiyati jamoasi ham bozor talabini o‘rgangan holda iste’mol sodasi ishlab chiqarishni yo‘lga qo‘ydi. Buning uchun zarur dastgohlar shu yerning o‘zida tayyorlandi.

– Mahsulot yuz foiz mahalliy xomashyodan ishlab chiqarilmoqda, – deydi jamiyat ishlab chiqarish boshqarmasi boshlig‘i Adhamjon Azlarov. – Mustaqillik bayrami arafasida ilk mahsulotni savdo do‘konlariga chiqardik.
Yangi tarmoq yiliga sifati yuqori va narxi xorijnikidan ancha arzon ming tonna iste’mol sodasi tayyorlash qavvatiga ega.

So‘nggi yangiliklar:

Barkamol avlod – mamlakatimizning mustahkam tayanchi

Boshlang‘ich tashkilotlarning muhim vazifalari

O‘g‘lonlar xizmatga otlandi

Majmua yoshlar bilan gavjum

Loydan mo‘jiza yaratish san’ati