ЎзА Ўзбек

11.06.2019 Чоп этиш версияси

Пойтахтдан ўртача ойлик маош билан қанча муддатда уй сотиб олиш мумкин?

Пойтахтдан ўртача ойлик маош билан қанча муддатда уй сотиб олиш мумкин?

Ойлик маошни оптимал тақсимлаш орқали мамлакат марказидан уй сотиб олиш дунёнинг турли мамлакатларида турли йиллар ичида амалга ошиши аниқланган. 

Яқинда Ad.me ижодий портали ходимлари томонидан олиб борилган изланишлар ва ўрганишлар натижасида ўртача ойлик маоши билан кун кўрадиган айрим давлатлар аҳолисининг пойтахтдан тахминан қанча муддат ичида уй сотиб олиш имкониятига эгалиги ҳисоблаб чиқилди. 

Лондон.jpgЛондон. Буюк Британияда жорий ҳолатга кўра ўртача ойлик маош 3 400 АҚШ доллари бўлиб, мамлакат пойтахти Лондондан бир хонали уй сотиб олиш истагида бўлган фуқаро “атиги” 18 йил деганда ўз орзусига етар экан. 
Уй нархи эса: 650 минг АҚШ доллари атрофида.

Пекин. Хитой пойтахти Пекинни ҳам орзулар тезда амалга
Пекин.jpg ошадиган мамлакатлар сирасига кирита олмаймиз. 
Ўртача ойлик маош 1000 АҚШ долларини ташкил этган мамлакатда пойтахтдан уй сотиб олиш учун 17,5 йил ойлик маошини жамғариш талаб этилади. 
Бир хонали уй нархи эса 280 000 АҚШ долларини ташкил этади.

Токио.jpgТокио. Япония пойтахтидан ўз уйига эга бўлмоқчи бўлган фуқаро 13 йил тер тўкиб, ўртача 3 200 АҚШ доллари миқдорида ойлик маош олиб турса, ажаб эмас, нархи 450 000 АҚШ долларига тенг уй сотиб олса...

Москва. Россия пойтахтидан уй сотиб олиш мамлакатнинг ўзМосква.jpg фуқаролари учун ҳам осон кечади, деб бўлмайди. Ҳисоб-китобларга кўра, ўртача ойлик маоши, яъни 800 АҚШ доллари даромадига эга фуқаро 120 000 АҚШ долларини тўплай олса, пойтахтдан бир хонали уй сотиб олиши мумкин. 
Бу пулни тўплаш учун эса 12,5 йил сабр қилишига тўғри келади. 

Нью-Йорк.jpgНью-Йорк. АҚШ шаҳри бўлмиш Нью-Йорк ҳам Москвадан ярим йил фарқ қилади. Яъни ўртача 4 700 АҚШ доллари миқдорида ойлик маошга эга бўлган фуқаро ушбу ҳудуддан 12 йил деганда 500 000 АҚШ доллари нархига тенг уйни сотиб олиши мумкин экан. 

Рим. Италияда фуқароларнинг ўртача ойлик маоши 2 600Рим.jpg АҚШ доллари миқдорида бўлиб, бундай ойлик маош билан 11 йил деганда 250 000 АҚШ долларига тенг бўлган бир хонали уйни сотиб олиши мумкин. 

Афины.jpgАфина. Жорий даврга кўра, Грецияда ўртача ойлик маош 800 АҚШ доллари бўлиб, ушбу ойликдан 9 йил жамғариб, пойтахт Афинадан 90 000 АҚШ доллари миқдоридаги бир хонали уй сотиб олиши мумкин. 

Нур-Султон. Қўшни давлат – Қозоғистон пойтахти Нур-Султондан уй сотиб олмоқчи бўлган фуқаро ўртача ойлик маошга, яъни, 440 АҚШ доллари миқдордаги ойликНур-Султан.jpg тушим билан 7,5 йил тер тўкиб ишласа, 42 000 АҚШ доллари миқдоридаги уйга эга бўлади. 

Ҳисоб-китобларга кўра, баъзи мамлакатларда ўртача ойлик маоши билан кун кечирадиган аҳоли учун уй-жой сотиб олиш жараёни жиддий муаммо ҳисобланмайди. 

2019 йил ҳолатига кўра, мамлакатда ўртача ойлик маоши 1 500 АҚШ доллари бўлган Испания пойтахти Мадриддан 130 минг доллар қийматдаги уйни 7 йилда, ойлик маоши 2 200 АҚШ доллари бўлган Германия аҳолиси пойтахт шаҳар Берлиндан 150 минг АҚШ доллари қийматидаги уйни 5 йилда, ўртача ойлик маоши 3 700 АҚШ доллари бўлган Абу-Даби шаҳри аҳолиси 145 минг АҚШ доллари баҳосидаги бир хонали уйни 3 йилда сотиб олиши мумкин.

Жанубий Африка Республикасининг Кейптаун шаҳрида жорий даврдаги ўртача ойлик маош 1 300 АҚШ доллари, шаҳар марказидаги 1 хонали уй 38 минг АҚШ доллари деб ҳисобланиб, ҳудуд аҳолиси ушбу ойлик маош билан 2 ярим йилда турар-жой сотиб олиш имкониятига эга. 

МАЪЛУМОТ ЎРНИДА. Мазкур тахминий ҳисоб-китоб пойтахтдан 50 квадрат/метр ҳажмдаги бир хонали уй сотиб олиш учун ойлик маошнинг солиқ тўловларидан ортиб қолган қисми жамғариб борилиши ҳисобига Ad.me ижодий портали​ томонидан тузиб чиқилган. 

9 672
Зуҳра Мирзабоева, ЎзА