ЎзА Ўзбек

29.09.2019 Чоп этиш версияси

Ўзбекистон терма жамоаси Робототехника халқаро чемпионатида биринчи медални қўлга киритди

Ўзбекистон терма жамоаси Робототехника халқаро чемпионатида биринчи медални қўлга киритди

Жанубий Кореянинг Донхэ шаҳрида ўтказилаётган Робототехника халқаро чемпионатида (International Grand D challenge 2019) иштирок этаётган Ўзбекистон терма жамоаси мусобақаларнинг биринчи кунини муваффақиятли якунлади. Robo scholar йўналиши бўйича Шавкат Абдураҳмонов ва Хумоюн Хайдаров 3-ўринни эгалладилар. 1-ўринни кореялик, 2-ўринни эса руминиялик ёш робототехниклар қўлга киритди.

Чемпионатнинг Robo scholar йўналиши шартларига кўра тиббиёт, аэрокосмик технологиялар, ёнғин хавфсизлиги, таълим ва озиқ-овқат саноати соҳаларидан бирортаси бўйича икки соат давомида лойиҳа тайёрланиб, ҳакамлар ҳукмига ҳавола этилиши лозим бўлиб, бу йўналишда қатнашган ҳамюртларимиз тиббиёт соҳасида қўлланилиши мумкин бўлган “Smart doc box” ускунасини ясашди.

photo_2019-09-29_09-40-11.jpg

Юртимиз терма жамоаси томонидан тақдим этилган яна иккита лойиҳа совринли ўринларни қўлга киритмаган бўлса-да, “technical award” номинациясига лойиқ топилди, яъни техник жиҳатдан ижобий баҳоланди.

Чемпионат давом этмоқда.

19 958
ЎзА