ЎзА Ўзбек

14.06.2019 20:58 Чоп этиш версияси

АКТ соҳасида ҳамкорлик истиқболлари муҳокама қилинди

АКТ соҳасида ҳамкорлик истиқболлари муҳокама қилинди

Ўзбекистон Республикаси Ахборот технологиялари ва коммуникацияларини ривожлантириш вазири Шуҳрат Содиқов Хитойнинг ZTE телекоммуникация корпорациясининг етакчи вице-президенти Ван Сианг билан учрашди.

Шуҳрат Содиқов Хитой етакчи технологик компанияларининг Ўзбекистон бозоридаги фаол иштироки мамлакатларимиз ўртасидаги яқин ҳамкорлик ҳамда юртимизда яратилган қулай инвестициявий муҳит самараси эканини қайд этди.

Учрашувда Ўзбекистонда қаттиқ ва мобиль кенг полосали интернет тармоғидан фойдаланиш тармоқларини кенгайтириш соҳасидаги ҳамкорлик истиқболлари муҳокама қилинди. Телекоммуникация тармоғида кадрларни тайёрлаш ва мутахассислар малакасини ошириш бўйича ҳамкорликни ривожлантириш масалалари бўйича фикр алмашилди.

Ван Сианг компания Ўзбекистонда ўз фаолиятини юритишга тайёр эканини билдирди.

Ушбу ҳамкорлик замонавий технологияларни амалиётга татбиқ этиш бўйича қўшма инвестициявий лойиҳаларни амалга оширишда муҳим роль ўйнайди.

Роман БОНДАРЧУК, ЎзА
4 948