ЎзА Ўзбек

06.11.2019 Чоп этиш версияси

Ўзбекистон жамоаси иккинчи ўринда

Ўзбекистон жамоаси иккинчи ўринда

Туркиянинг Чорум шаҳрида 16 ёшгача йигит-қизлар ўртасида бутунжаҳон шахмат олимпиадаси бўлиб ўтди. 

Мусобақада мамлакатимиз шарафини халқаро тоифадаги гроссмейстерлар Нодирбек Абдусатторов, Жавоҳир Синдаров, ФИДЕ устаси Али Қосимов, Муҳиддин Мадаминов, халқаро тоифадаги спорт устаси Умида Омонова ҳимоя қилди.

Бутунжаҳон шахмат олимпиадасида 250дан ортиқ иштирокчи 9 турдан иборат швейцарча тизимда ўзаро рақобатлашди. 9 тур натижасига кўра, ҳамюртларимиз 15 очко жамғариб умумжамоа ҳисобида иккинчи поғонадан жой олди. Озарбайжон терма жамоаси 16 очко билан биринчи, 14 очко тўплаган Беларусь термаси учинчи ўринни эгаллади.

Шунингдек, олимпиадада шахсий кўрсатгич бўйича Н.Абдусатторов ва Ж.Синдаров кумуш медалга сазовор бўлди.

2 478
Ж. ТОШХЎЖАЕВ, ЎзА