ЎзА Ўзбек

15.05.2019 16:07 Чоп этиш версияси

Таэквондочиларимиз ЖЧни ғалаба билан бошлади

Таэквондочиларимиз ЖЧни ғалаба билан бошлади

Бугун Буюк Британиянинг Манчестер шаҳрида таэквондо бўйича жаҳон чемпионатига старт берилди. Бу ҳақда Жисмоний тарбия ва спорт вазирлиги матбуот хизмати хабар қилади.

Мусобақада 150дан ортиқ давлатдан келган 1000 нафарга яқин спортчи ғолиблик учун ўзаро баҳс олиб боради. Эътиборлиси, жаҳон чемпионатида 12 нафар таэквондочи ватанимиз шарафини ҳимоя қилишга бел боғланган.

Жаҳон чемпионатининг дастлабки кунида эркаклар 58 кг.гача, аёллар эса 46 ва 73 кг.гача бўлган вазн тоифаларида даянга чиқишади.

Ўзбекистон спорт делегацияси аъзоларидан биринчи бўлиб 58 кг.гача вазн тоифасидаги атлетимиз Суҳроб Бобобеков баҳсларга киришди. У ўзининг дастлабки жангида эстониялик Александр Галактионов билан куч синашди. Қизиқарли ўтган жангда ҳамюртимиз йирик 24:5 ҳисобида ғалаба қозонди ва иккинчи даврага йўл олди.

ЖЧда ўзбекистонлик спортчилар даянга чиқадиган кунлар:
16 май: Валентин Хегай (-54 кг) ва Светлана Осипова (+73 кг)
17 май: Мадинабону Маннопова (-49 кг), Зария Қосимова (-57 кг) ва Никита Рафалович (-74 кг)
18 май: Чарос Қаюмова (-53 кг), Нигора Турсунқулова (-67 кг) ва Шуҳрат Салаев (-80 кг)
19 май: Феруза Содиқова (-62 кг), Максим Рафалович (-87 кг) ва Дмитрий Шокин (+87 кг)

ЎзА
1 221