Размер шрифта: A A A
Цвет сайта: A A A A

15.03.2017 16:43 Чоп этиш версияси

Жамоатчилик назорати ва оммавий ахборот воситалари

Андижонда “2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини Халқ билан мулоқот ва инсон манфаатлари йилида амалга оширишга оид Давлат дастурининг бажарилиши устидан кенг жамоатчилик назоратини ўрнатишда оммавий ахборот воситаларининг роли” мавзусида семинар-тренинг бўлиб ўтди.

Ўзбекистон мустақил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фонди ташаббуси билан ўтказилган тадбирда Андижон, Фарғона ва Наманган вилоятларида фаолият юритаётган оммавий ахборот воситалари раҳбарлари, олимлар, ушбу вилоятлар Кенгашлари депутатлари, Фуқаролик жамияти шаклланишини мониторинг қилиш мустақил институти ҳудудий бўлимлари вакиллари иштирок этди.

Президентимиз Шавкат Мирзиёев томонидан белгилаб берилган Ҳаракатлар стратегияси ислоҳотлар самарадорлигини ошириш, давлат ва жамиятни ҳар томонлама уйғун ва жадал ривожлантириш, барча соҳаларни модернизация қилиш ва эркинлаштиришда муҳим омил бўлиб хизмат қилиши таъкидланди. Мазкур ҳужжатдаги бешта устувор йўналишдан биринчиси давлат ва жамият қурилишини такомиллаштириш, давлат бошқаруви тизимини ислоҳ қилиш, жамоатчилик назорати механизмларини амалда татбиқ этиш, бу жараёнда фуқаролик жамияти институтлари ҳамда оммавий ахборот воситалари ролини кучайтиришга қаратилган.

– Тадбирда жамоатчилик назоратини ўрнатишда оммавий ахборот воситаларининг ролини кучайтириш, бу борада соҳа ходимларининг касбга оид билим ва малакасини ошириш масаласига алоҳида эътибор қаратилди, – дейди Ўзбекистон мустақил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фонди директори А.Абдуллаев. – Ҳаракатлар стратегиясининг мақсад ва вазифалари, мазмун-моҳиятини кенг жамоатчиликка етказиш борасида қатор вазифалар белгилиб олинди.

“Давлат ва жамият қурилиши тизимини такомиллаштиришнинг устувор йўналишлари”, “Қонун устуворлигини таъминлаш ва суд-ҳуқуқ тизимини янада ислоҳ қилишнинг муҳим масалалари”, “Иқтисодиётни ривожлантириш ва либераллаштиришнинг асосий йўналишлари”, “Халқ билан мулоқот ва инсон манфаатлари йили” Давлат дастури ижросини ёритишнинг муҳим жиҳатлари” мавзуларида маърузалар тингланди.

Фахриддин Убайдуллаев, ЎзА
3 619






Все о погоде - Pogoda.uz