ЎзА Ўзбек

19.09.2018 Чоп этиш версияси

Ўзбекистон бозорларида ун 2400 сўмдан 4 000 сўмгача сотилмоқда

Ўзбекистон бозорларида ун 2400 сўмдан 4 000 сўмгача сотилмоқда

Қарши шаҳри "Ерқўрғон" деҳқон бозорида 1 кг. ун 2400 сўмдан 3500 сўмгача сотилаётган бўлса, Республиканинг аксарият бозорларида ушбу маҳсулот 3500-4000 сўмдан аҳолига етказиб берилмоқда.

Ўзбекистон истеъмолчилар ҳуқуқларини ҳимоя қилиш жамиятлари федерацияси Қорақалпоғистон Республикаси, вилоятлар ҳамда Тошкент шаҳри марказий бозорларида сотилаётган (озиқ-овқат, ноозиқ овқат ва қишлоқ хўжалик) маҳсулотлар нархларини ўрганишни давом этади. 

Мамлакат бозорларидаги озиқ-овқат, ноозиқ овқат ва қишлоқ хўжалиги маҳсулотларининг 2018 йил 16 сентябрь ҳолатидаги нархлари. 

Мол гўшти
26 000 сўмдан 41 000 сўмгача 

d4a57e40_1fcc_4c7e_832b_f38075e3abd3_cx0_cy10_cw0_w1023_r1_s.jpg

Мамлакатимиз бозорларида 1 кг. мол гўшти 26 минг сўмдан 41 минг сўмгача бўлган нархларда сотилмоқда. Энг арзон нархларни бир ойдан буён кузатилаётган Қорақалпоғистон Республикаси бозорларида учратиш мумкин – 26000 сўм. 

Нукус шаҳар Марказий деҳқон бозорида 1 кг. мол гўшти 26-40 минг сўм. 

Энг қиммат нарх Урганч шаҳар Марказий деҳқон бозорида кузатилди – 1 кг. мол гўшти 30000 сўмдан 41000 сўмгача сотилмоқда.

Қўй гўшти
28 000 сўмдан 44 000 сўмгача 

15ed8d8d_8cee_41e0_9432_40e557dd2162_w1023_r1_s.jpg

Гулистон шаҳри Марказий деҳқон бозорида бу ҳафта қўй гўшти ҳам республиканинг бошқа ҳудудидан кўра қимматроқ – 43000 сўмдан 44000 сўмгача. Энг арзон нархларни пойтахтнинг “Қўйлиқ”, "Миробод", "Чорсу", “Фарҳод” бозорларида учратиш мумкин – 1 кг. қўй гўшти нархи 28000 – 40000 минг сўм. 

Товуқ гўшти
11 000 сўмдан 20 500 сўмгача 

9255f1ea211f0420f24e0d9bb2df9f51_720x480.jpg

Энг арзон товуқ гўшти Урганч шаҳар Марказий деҳқон бозорида – 11000-12000 сўм. Энг қиммат нархда ушбу маҳсулот Фарғона марказий деҳқон бозорида сотилмоқда – 15500 – 20500 сўм. Пойтахт бозорларида 1 кг. товуқ гўшти ўртача 17000 сўмдан истеъмолчиларга етказиб берилмоқда. 

Гуруч
3 500 сўмдан 15 000 сўмгача 

ris_devzira_2_4_lazer.jpg

Республика бозорларида гуручни ўртача нархда 5000-10000 сўмгача учратиш мумкин. Бироқ, бир неча ҳафтадан буён Фарғона марказий деҳқон бозорида гуруч нархи қимматлигича қолмоқда. Масалан, ўтган ҳафтада ушбу бозорда 1 кг. гуруч 5500-12500 сўмдан сотилган бўлса, ҳозирда унинг нархи 5000 – 15000 сўмдан сотилмоқда. Ўтган ҳафтада кузатилганидек, энг арзон гуруч Термиз шаҳар Марказий деҳқон бозорида – 3500 – 11000 сўм. Тошкент шаҳридаги Миробод деҳқон бозорида гуруч бошқа бозорларга қараганда арзонроқ – 4200 – 9500 сўм. 

Ўсимлик ёғи
8000 сўмдан 12 000 сўмгача 

fe6ddc67a20b6100053ad6be91646d72.jpg

Мамлакатимиз бозорларида 1 кг. ўсимлик ёғи 8000-12000 сўмдан сотилмоқда. Ушбу маҳсулотнинг энг қиммати Самарқанд шаҳри "Сиёб" бозорида – 10000-12000 сўм. Энг арзон нархлар Термиз шаҳар Марказий деҳқон бозорида ўзгаришсиз қолмоқда – 8000-15000 сўм. 

Ун
2400 сўмдан 4 000 сўмгача 

1_1.jpg

Энг арзон нарх Қарши шаҳри "Ерқўрғон" деҳқон бозорида кузатилди – 1 кг. 1-навли ун 2400 сўмдан 3500 сўмгача. Республиканинг аксарият бозорларида ушбу маҳсулот 3500-4000 сўмдан аҳолига етказиб берилмоқда.

Шакар
4000 сўмдан 5 200 сўмгача 

2018_05_08_171720_36c09f33c.jpg

Энг қиммат нархлардаги шакар Термиз шаҳар Марказий деҳқон бозорида – 4400-5200 сўм. Энг арзони эса Урганч шаҳар Марказий деҳқон бозорида – 4000-4200 сўм. 

Тухум
300 сўмдан 600 сўмгача 

eggs_1.jpg

Бу ҳафтада кўплаб бозорлардаги тухум нархлари ўртача 400-500 сўмдан сотилмоқда. Энг арзон нарх Юнусобод деҳқон бозори (Тошкент шаҳри)да – 300-600 сўм. 

Картошка
1000 сўмдан 3000 сўмгача 

kartoshka.jpg

Нукус шаҳар Марказий деҳқон бозорида 1 кг. картошка 2000-3000 сўм. Ўтган ҳафталарда Гулистон шаҳри Марказий деҳқон бозорида картошка бошқа ҳудудларга қараганда қиммат (1500-3000) эди. Бу ҳафта нархларнинг сезиларли пасайгани кузатилди 2000-2200 сўм. Энг арзон нархлардаги картошка Юнусобод деҳқон бозорида – 1000-2000 сўм

Помидор 
3000 сўмдан 8000 сўмгача 

bez_nazvaniya.jpg

Ўтган ҳафтада кузатилгани каби бу ҳафтада ҳам мамлакат бозорларида айни мавсум бўлишига қарамай помидор нархи қимматлигича сақланиб қолмоқда. Ўртача ушбу маҳсулот 3000-5000 сўмда сотилаётган бўлса, айрим бозорларда 7000 ("Қўйлиқ" деҳқон бозори) сўм, 8000 (Чорсу деҳқон бозори) сўм, 9000 (Юнусобод деҳқон бозори) сўмда ҳам учратиш мумкин. 

10 500
ЎзА