Размер шрифта: A A A
Цвет сайта: A A A A

08.03.2018 17:37 Чоп этиш версияси

Тожикистон пойтахтида ишбилармонлар кенгашининг биринчи йиғилиши бўлиб ўтди

Тожикистон пойтахтида ишбилармонлар кенгашининг биринчи йиғилиши бўлиб ўтди
Душанбе, 8 март. ЎзА махсус мухбири Абу Бакр Ўрозов хабар қилади. 

Тожикистон Республикасининг Душанбе шаҳрида Ўзбекистон-Тожикистон ишбилармонлар кенгашининг биринчи йиғилиши бўлиб ўтди. 

Унда Ўзбекистон савдо-саноат палатаси раиси А.Икромов, Тожикистон Савдо-саноат палатаси раиси Ш.Саид, тегишли вазирлик ва идора раҳбарлари, икки мамлакатнинг 120 дан ортиқ кичик бизнес ва хусусий тадбиркорлик субъектлари раҳбарлари иштирок этди.

5.JPG

Ўзбекистон - Тожикистон ишбилармонлар кенгаши 2017 йилнинг 11 октябрида ташкил этилган бўлиб, иқтисодий ҳамкорликни кенгайтириш, ишбилармон ва молиявий доиралар ўртасида тўғридан-тўғри алоқаларни йўлга қўйиш, кўп томонлама лойиҳаларни амалга оширишга кўмаклашиш, икки давлатнинг бизнес ҳамжамиятлари вакилларини бирлаштиришда муҳим аҳамият касб этмоқда. 

2.JPG

Тадбирда қайд этилганидек, сўнгги йилларда Ўзбекистон ва Тожикистонда иқтисодий ривожланишнинг илғор тизимлари кенг жорий этилаётгани ҳамда маҳаллий корхоналар рақобатдошлигининг ошаётгани икки мамлакат ўртасида савдо-иқтисодий алоқаларни ривожлантиришда муҳим қадам бўлмоқда. 

7.JPG

Савдо-иқтисодий ва инвестициявий ҳамкорликнинг янада ривожланишига кўмаклашиш учун қўшма тадбирлар ташкил этиш, бизнес вакилларининг ўртасида йирик форумлар, кўргазма ва ярмаркалар ўтказиш муҳимлиги таъкидланди.

8.JPG

Йиғилишда турли соҳалар бўйича самарали келишувларга эришилди. Кенгашининг иккинчи мажлисини жорий йилнинг иккинчи ярмида Тошкентда ўтказиш бўйича келишиб олинди. 

9.JPG

Ёлқин Шамсидддинов (сурат), ЎзА
10 451