Размер шрифта: A A A
Цвет сайта: A A A A

06.12.2017 17:10 Чоп этиш версияси

Афғонистон Президенти Бухоронинг қадимий меъморий обидалари билан танишди

Афғонистон Президенти Бухоронинг қадимий меъморий обидалари билан танишди Афғонистон Ислом Республикаси Президенти Муҳаммад Ашраф Ғани бошчилигидаги делегация аъзолари куннинг иккинчи ярмида Бухоро шаҳрининг тарихий марказига ташриф буюрди.

DSC_2070.JPG

Мазкур марказ қадимий ва кўп асрлик тарихга эга, етти иқлимга машҳур меъморий обидаларни ўз ичига олган.

DSC_2084.JPG

Меҳмонлар кўҳна Арк қалъаси, Пойи Калон мажмуаси таркибига кирувчи Минораи Калон, Масжиди Калон ва Мир Араб мадрасаси ҳамда шаҳарнинг бошқа диққатга сазовор жойлари билан танишди. 10 минг кишига мўлжалланган Масжиди Калон тарихи, бинонинг меъморий улуғворлиги, ибодатчилар учун яратилган қулайликлар меҳмонларда катта таассурот қолдирди.

DSC_2377.JPG

Афғонистон делегацияси аъзолари Когон тумани ҳудудида жойлашган буюк аждодимиз Баҳоуддин Нақшбанд ёдгорлик мажмуасида бўлиб, Нақшбандия тариқатининг йирик намояндаси қабрини зиёрат қилди. Қуръон тиловат қилинди.

Шунинг билан Афғонистон Ислом Республикаси Президенти Муҳаммад Ашраф Ғанининг мамлакатимизга ташрифи ниҳоясига етди.

Зиёдулла Жонибеков, Эркин Ёдгоров, Аъло Абдуллаев (сурат), ЎзА
3 087






Все о погоде - Pogoda.uz