Тошкент – Самарқанд йўналишида қатнайдиган замонавий “Afrosiyob” тезюрар поезди йўлга тушди. Ҳамроҳларим 50-60 ёшлардаги аёллар эканидан хурсанд бўлдим. Йўлдошларинг билан гап-гапга қовушса, йўлнинг узоқлиги ҳам билинмайди-да.

Тошкент – Самарқанд йўналишида қатнайдиган замонавий “Afrosiyob” тезюрар поезди йўлга тушди. Ҳамроҳларим 50-60 ёшлардаги аёллар эканидан хурсанд бўлдим. Йўлдошларинг билан гап-гапга қовушса, йўлнинг узоқлиги ҳам билинмайди-да.

– Болалигимда каштачилик фақат Ургутда, ўзимизнинг Ғўс қишлоғида бўлса керак, деб ўйлардим, – дейди ҳамроҳларимдан бири Мавлуда Ҳамдамова. – Кейинчалик билсам, ушбу миллий ҳунармандлик санъати юртимизнинг барча ҳудудларида кенг тарқалган бўлиб, унинг тури шу қадар кўп эканки, бир-биридан нафис, бетакрор. Ҳунармандлик, айниқса, кашта тикишни билиш қиз кўрки, унинг меҳнаткаш, сабрли, уқувли бўлиб улғайишида катта аҳамиятга эга. Мустақиллик йилларида миллий қадриятларимиз, хусусан, ҳунармандликни тиклаш ва ҳар бир ҳудуднинг ўзига хос анъаналарини асраган ҳолда уни янада ривожлантиришга алоҳида эътибор қаратилмоқда.

Президентимиз Шавкат Мирзиёев раҳнамолигида кичик бизнес ва хусусий тадбиркорликни ривожлантиришга қаратилаётган доимий эътибор ҳунарманд хотин-қизларга ҳам кенг имкониятлар яратмоқда. Ўзбекистон Республикасининг “Оилавий тадбиркорлик тўғрисида”ги қонуни, Биринчи Президентимизнинг 2010 йил 30 мартдаги “Халқ бадиий ҳунармандчилиги ва амалий санъатини ривожлантиришни янада қўллаб-қувватлаш тўғрисида”ги фармони бу борада муҳим дастуриламал бўлаётир.

– Уч мингдан ортиқ аҳоли истиқомат қиладиган Ғўс қишлоғида қиз боланинг кашта тикишни билмаслиги андиша ҳисобланади, – дейди суҳбатга қўшилган Ойпари Мухторова. – Ҳар бир оилада каштачилик сирларини яхши биладиган онахонлар бўлса-да, кўпчилик қизини Мавлуда синглимиз ташкил этган тўгаракка олиб боришга ҳаракат қилади. Негаки, Мавлудахон бир неча нуфузли кўргазма ва танловларда иштирок этган, Бухоро, Сурхондарё, Қашқадарё ва Фарғона каби машҳур каштачилик мактаблари тажрибасини пухта ўрганган. Унинг тўгарагидан 30 дан ортиқ моҳир каштачи етишиб чиққан. Бугун уларнинг кўпчилиги ўз оилавий тадбиркорлигини йўлга қўйиб, ушбу санъат турини тарғиб қилиш билан бирга, туманимиз равнақига ҳам ҳисса қўшмоқда.

Мавлуда Ҳамдамова мамлакатимизда яратилаётган шароит ва имкониятлардан самарали фойдаланиб, бундан икки йил аввал ўз оилавий корхонасини ташкил қилди, бир неча хотин-қизни доимий иш билан таъминлади. Опанинг кўпчилик тадбиркорлардан фарқли томони, тўгаракка келаётган ёшлардан ҳеч бўлмаса битта хорижий тилни билиш, замонавий тадбиркорлик, айниқса, туризм соҳасидаги талаб ва таклифларни таҳлил қила олишни талаб қилади. Ўзи тикаётган каштага замонавий руҳ беришга, уларда юртимизда амалга оширилаётган кенг кўламли бунёдкорлик ва ободонлаштириш ишларини акс эттиришга ҳаракат қилади.

Кашта тикишнинг ҳам маълум босқичлари, мураккабликлари бўлади. Шу жиҳатни инобатга олган оилавий корхона раҳбари энди иш бошлаган қизларга аввалига содда, ихчам ишларни топширади.

– Юртимизда ҳам, хорижда ҳам ғўслик аёллар тиккан кашталарга қизиқувчилар, буюртма берувчилар кўпайиб бормоқда, – дейди опа. – Дастурхон, белбоғ, болинпўш, ойнахалта, чойхалта, манглай-қош ва бошқа буюмларга нақш солар эканмиз, тасвирларда миллийлигимизни, бой тарихимизни, эзгулик, тинчлик, дўстлик, муҳаббат, янгиланиш мавзуларини акс эттиришга ҳаракат қиламиз. Меҳр билан қилинган ишнинг сифати яхши, харидори кўп бўлади. Тадбиркорлик ортидан йилига 30-40 миллион сўм даромад қиламиз. Халқимиз топганини нимага сарфлашини ўзингиз яхши биласиз. Яратганга шукр, рўзғоримиз бут, фарзандларнинг бари уйли-жойли. Набиралар бири мактабда, бошқаси коллежу институтларда таҳсил олмоқда. Буларнинг барчаси юртимиздаги тинчлик-осойишталик, давлатимиз томонидан аҳоли фаровонлигини юксалтириш йўлида амалга оширилаётган ишлар самарасидир.

Ҳунармандларнинг санъат асарларини томоша қилар эканман, беихтиёр турфа нақшли кашталарга кўмилиб ўтирган момом кўз ўнгимда гавдаланади. Ўгитлари қулоқларим остида яна жаранглагандай бўлади: "Каштадаги ҳар бир белгига эътибор қил, пучуғим: мана бу ҳумо қуши – бахтни, бодом – саломатликни, тошбақа узоқ умрни билдиради. Ҳа, буларми?.. Қалампир – ёмон кўздан асрасин дегани, анор – серфарзанд-сердавлатлилик белгиси..."

Замонавий тезюрар поезд Зарафшон дарёсидан ўтиб, Самарқанд шаҳрига киради. Вагондаги вақт кўрсаткичига қарайман – 2 соату 12 дақиқада манзилга етибмиз.

– Мана шу "Afrosiyob"ни ҳам каштага туширсангизлар бўлар экан, – дейман беихтиёр хаёлимга келган фикрдан ўзим ҳам хурсанд бўлиб.

– Албатта, ўзимиз ҳам шунинг ҳаракатидамиз. Якунланишига оз қолди. Ургут томонларга йўлингиз тушса киринг, кўрасиз, – дейди Мавлуда опа мамнуният билан.

Мен боришга ваъда қилдим...

Ўзбек
Chinese
Turkish
Tajik
Kyrgyz
Turkmen
Japanese
Arabic
English
French
Spanish
Русский
German
Ўзбек
Oʻzbek
Қазақ
Матоларда акс этган санъат

Тошкент – Самарқанд йўналишида қатнайдиган замонавий “Afrosiyob” тезюрар поезди йўлга тушди. Ҳамроҳларим 50-60 ёшлардаги аёллар эканидан хурсанд бўлдим. Йўлдошларинг билан гап-гапга қовушса, йўлнинг узоқлиги ҳам билинмайди-да.

Тошкент – Самарқанд йўналишида қатнайдиган замонавий “Afrosiyob” тезюрар поезди йўлга тушди. Ҳамроҳларим 50-60 ёшлардаги аёллар эканидан хурсанд бўлдим. Йўлдошларинг билан гап-гапга қовушса, йўлнинг узоқлиги ҳам билинмайди-да.

– Болалигимда каштачилик фақат Ургутда, ўзимизнинг Ғўс қишлоғида бўлса керак, деб ўйлардим, – дейди ҳамроҳларимдан бири Мавлуда Ҳамдамова. – Кейинчалик билсам, ушбу миллий ҳунармандлик санъати юртимизнинг барча ҳудудларида кенг тарқалган бўлиб, унинг тури шу қадар кўп эканки, бир-биридан нафис, бетакрор. Ҳунармандлик, айниқса, кашта тикишни билиш қиз кўрки, унинг меҳнаткаш, сабрли, уқувли бўлиб улғайишида катта аҳамиятга эга. Мустақиллик йилларида миллий қадриятларимиз, хусусан, ҳунармандликни тиклаш ва ҳар бир ҳудуднинг ўзига хос анъаналарини асраган ҳолда уни янада ривожлантиришга алоҳида эътибор қаратилмоқда.

Президентимиз Шавкат Мирзиёев раҳнамолигида кичик бизнес ва хусусий тадбиркорликни ривожлантиришга қаратилаётган доимий эътибор ҳунарманд хотин-қизларга ҳам кенг имкониятлар яратмоқда. Ўзбекистон Республикасининг “Оилавий тадбиркорлик тўғрисида”ги қонуни, Биринчи Президентимизнинг 2010 йил 30 мартдаги “Халқ бадиий ҳунармандчилиги ва амалий санъатини ривожлантиришни янада қўллаб-қувватлаш тўғрисида”ги фармони бу борада муҳим дастуриламал бўлаётир.

– Уч мингдан ортиқ аҳоли истиқомат қиладиган Ғўс қишлоғида қиз боланинг кашта тикишни билмаслиги андиша ҳисобланади, – дейди суҳбатга қўшилган Ойпари Мухторова. – Ҳар бир оилада каштачилик сирларини яхши биладиган онахонлар бўлса-да, кўпчилик қизини Мавлуда синглимиз ташкил этган тўгаракка олиб боришга ҳаракат қилади. Негаки, Мавлудахон бир неча нуфузли кўргазма ва танловларда иштирок этган, Бухоро, Сурхондарё, Қашқадарё ва Фарғона каби машҳур каштачилик мактаблари тажрибасини пухта ўрганган. Унинг тўгарагидан 30 дан ортиқ моҳир каштачи етишиб чиққан. Бугун уларнинг кўпчилиги ўз оилавий тадбиркорлигини йўлга қўйиб, ушбу санъат турини тарғиб қилиш билан бирга, туманимиз равнақига ҳам ҳисса қўшмоқда.

Мавлуда Ҳамдамова мамлакатимизда яратилаётган шароит ва имкониятлардан самарали фойдаланиб, бундан икки йил аввал ўз оилавий корхонасини ташкил қилди, бир неча хотин-қизни доимий иш билан таъминлади. Опанинг кўпчилик тадбиркорлардан фарқли томони, тўгаракка келаётган ёшлардан ҳеч бўлмаса битта хорижий тилни билиш, замонавий тадбиркорлик, айниқса, туризм соҳасидаги талаб ва таклифларни таҳлил қила олишни талаб қилади. Ўзи тикаётган каштага замонавий руҳ беришга, уларда юртимизда амалга оширилаётган кенг кўламли бунёдкорлик ва ободонлаштириш ишларини акс эттиришга ҳаракат қилади.

Кашта тикишнинг ҳам маълум босқичлари, мураккабликлари бўлади. Шу жиҳатни инобатга олган оилавий корхона раҳбари энди иш бошлаган қизларга аввалига содда, ихчам ишларни топширади.

– Юртимизда ҳам, хорижда ҳам ғўслик аёллар тиккан кашталарга қизиқувчилар, буюртма берувчилар кўпайиб бормоқда, – дейди опа. – Дастурхон, белбоғ, болинпўш, ойнахалта, чойхалта, манглай-қош ва бошқа буюмларга нақш солар эканмиз, тасвирларда миллийлигимизни, бой тарихимизни, эзгулик, тинчлик, дўстлик, муҳаббат, янгиланиш мавзуларини акс эттиришга ҳаракат қиламиз. Меҳр билан қилинган ишнинг сифати яхши, харидори кўп бўлади. Тадбиркорлик ортидан йилига 30-40 миллион сўм даромад қиламиз. Халқимиз топганини нимага сарфлашини ўзингиз яхши биласиз. Яратганга шукр, рўзғоримиз бут, фарзандларнинг бари уйли-жойли. Набиралар бири мактабда, бошқаси коллежу институтларда таҳсил олмоқда. Буларнинг барчаси юртимиздаги тинчлик-осойишталик, давлатимиз томонидан аҳоли фаровонлигини юксалтириш йўлида амалга оширилаётган ишлар самарасидир.

Ҳунармандларнинг санъат асарларини томоша қилар эканман, беихтиёр турфа нақшли кашталарга кўмилиб ўтирган момом кўз ўнгимда гавдаланади. Ўгитлари қулоқларим остида яна жаранглагандай бўлади: "Каштадаги ҳар бир белгига эътибор қил, пучуғим: мана бу ҳумо қуши – бахтни, бодом – саломатликни, тошбақа узоқ умрни билдиради. Ҳа, буларми?.. Қалампир – ёмон кўздан асрасин дегани, анор – серфарзанд-сердавлатлилик белгиси..."

Замонавий тезюрар поезд Зарафшон дарёсидан ўтиб, Самарқанд шаҳрига киради. Вагондаги вақт кўрсаткичига қарайман – 2 соату 12 дақиқада манзилга етибмиз.

– Мана шу "Afrosiyob"ни ҳам каштага туширсангизлар бўлар экан, – дейман беихтиёр хаёлимга келган фикрдан ўзим ҳам хурсанд бўлиб.

– Албатта, ўзимиз ҳам шунинг ҳаракатидамиз. Якунланишига оз қолди. Ургут томонларга йўлингиз тушса киринг, кўрасиз, – дейди Мавлуда опа мамнуният билан.

Мен боришга ваъда қилдим...