Туркманистон Республикасининг Лебап вилояти ҳокими Чаригелди Чарлиев раҳбарлигидаги ишбилармон доиралар вакилларидан иборат делегация 12 август куни Бухоро вилоятига ташриф буюрди.

Туркманистон Республикасининг Лебап вилояти ҳокими Чаригелди Чарлиев раҳбарлигидаги ишбилармон доиралар вакилларидан иборат делегация 12 август куни Бухоро вилоятига ташриф буюрди.

Ўзбек ва туркман халқларини умумий тарих, муштарак маданият ва қадриятлар, тил ва урф-одатлардаги ўхшашлик ўзаро боғлаб туради. Икки қардош халқ азалдан бир-бирининг маданиятини бойитиб, савдо-сотиқ қилиб келган, бир дарёдан сув ичган. Кейинги йилларда икки мамлакат ўртасидаги муносабатлар янги, сифат жиҳатдан янада юқори босқичга кўтарилди.

Бухоро ва Лебап вилоятлари ўртасидаги биродарлик алоқалари ҳам ана шундай дўстлик муносабатларининг амалдаги ифодасидир.

– Ўзбекистон Республикаси Президенти Шавкат Мирзиёев ва Туркманистон Президенти Гурбангули Бердимуҳамедовнинг ўзаро амалий ташрифлари қўшничилик, тенглик, ўзаро манфаатли шерикчилик асосидаги алоқаларни мустаҳкамлашга хизмат қилмоқда, – дейди Турманистон Республикасининг мамлакатимиздаги Фавқулодда ва мухтор элчиси Шири Шириев. – Ўзаро ҳамкорлик доирасида чегараолди ҳудудлари, жумладан, Лебап ва Бухоро вилоятлари ўртасидаги маданий-иқтисодий алоқалар ҳам кенгайиб бормоқда. Бугун Лебап вилояти вакилларининг Бухоро вилоятига ташрифи бунинг ёрқин тасдиғидир.

Меҳмонларга вилоятнинг ижтимоий-иқтисодий ривожланиши, ўзаро алоқалар учун хизмат қиладиган имкониятлар, туризм ва бошқа соҳалар салоҳияти бўйича атрофлича маълумот берилди.

Лебап вилояти делегацияси Ўзбекистон Республика Президентининг Бухоро вилоятидаги Халқ қабулхонаси фаолияти, Баҳоуддин Нақшбанд мажмуаси, улуғ аждодимизнинг меросини ўрганиш борасида олиб борилаётган ишлар билан танишди.

Когон туманидаги “Сиёвуш Комрон фуд” масъулияти чекланган жамиятига қарашли интенсив боғ меҳмонларда катта таассурот қолдирди. 40 гектарлик боғда барча агротехник тадбирлар замонавий технологиялар асосида ташкил этилган бўлиб, ниҳоллар томчилатиб суғорилиши сувни тежаш имконини беради. Келгуси йилдан корхона меваларни экспорт қилишни ҳам йўлга қўяди.

Бухорода қурилиш индустрияси жадал ривожланмоқда. Бунда “Кнауф гипс Бухоро” хорижий корхонасининг муносиб ўрни бор. Бу ерда тайёрланаётган гипскартонларнинг бир қисми Туркманистонга экспорт қилинмоқда. Лебаплик меҳмонлар ушбу корхонада ишлаб чиқариш жараёни билан танишди.

“Бухоро бриллиант силк” қўшма корхонаси мамлакатимизда пиллани қайта ишловчи йирик корхоналардан биридир. Меҳмонлар бу ерда энг илғор технологиялар билан жиҳозланган цехларда хомашёдан тола ажратиш, ипак-калава тайёрлаш, ундан мато тўқиш ва матога гул босишгача бўлган жараёнларни кўздан кечирди. Корхона маҳсулотига хорижда ҳам талаб катта. Маҳсулотнинг асосий қисми Хитой, Ҳиндистон, Вьетнам, Туркия каби давлатларга экспорт қилинмоқда.

Бухоро халқ ҳунармандлиги орасида гиламчилик алоҳида ўрин тутади. Бухоро шаҳридаги гиламчилик маркази фаолияти билан танишган меҳмонлар буни алоҳида эътироф этдилар.

– Қўй жунидан тўқиладиган туркман гиламлари довруғи узоқ хорижда ҳам машҳур, – дейди Лебап вилоятидаги гилам ишлаб чиқаришга ихтисослашган "Халач" корхонаси директори Чари Сейтниязов. – Сизларда бундай маҳсулот ипакдан тайёрланар экан. Тўқувчиларнинг иш услубидан ҳайратландим. Бухоро гиламлари нечоғли машҳурлигини эшитганман. Бугун уларни ўз кўзим билан кўрдим. Гиламчилик маркази билан танишиш жараёнида ҳамкорлик қилиш режаси туғилди. Биз буюртма асосида Бухоро гиламларини Туркманистонга, туркман ҳунармандлик маҳсулотларини Бухорога етказиб бериш бўйича ишларни йўлга қўйсак, айни муддао бўларди.

Туркманистонлик меҳмонлар қадимий Исмоил Сомоний мақбараси, Лаби ҳовуз мажмуаси, Арк қалъаси, шунингдек, Минораи Калон, Масжиди Калон ва Мир Араб мадрасасидан иборат Пойи Калон мажмуаси ва бошқа диққатга сазовор жойларни зиёрат қилдилар.

– Неча асрлардан буён улуғворлиги билан барчада ҳавас уйғотиб келаётган Бухоронинг тарихий ва кўҳна ёдгорликларидан ҳайратдамиз, – дейди туркманистонлик меҳмон Саламат Ҳусаинова. – Бу ердаги ҳар бир обида тарихингиз буюклиги, санъатингиз бетакрорлигидан дарак беради.

Тадбир Нодир девонбеги мадрасасида ташкил этилган концерт дастури билан якунланди.

Тадбирда Бухоро вилояти ҳокими Ў.Барноев сўзга чиқди.

Ўзбек
Chinese
Turkish
Tajik
Kyrgyz
Turkmen
Japanese
Arabic
English
French
Spanish
Русский
German
Ўзбек
Oʻzbek
Қазақ
Лебап вилояти вакиллари Бухорода

Туркманистон Республикасининг Лебап вилояти ҳокими Чаригелди Чарлиев раҳбарлигидаги ишбилармон доиралар вакилларидан иборат делегация 12 август куни Бухоро вилоятига ташриф буюрди.

Туркманистон Республикасининг Лебап вилояти ҳокими Чаригелди Чарлиев раҳбарлигидаги ишбилармон доиралар вакилларидан иборат делегация 12 август куни Бухоро вилоятига ташриф буюрди.

Ўзбек ва туркман халқларини умумий тарих, муштарак маданият ва қадриятлар, тил ва урф-одатлардаги ўхшашлик ўзаро боғлаб туради. Икки қардош халқ азалдан бир-бирининг маданиятини бойитиб, савдо-сотиқ қилиб келган, бир дарёдан сув ичган. Кейинги йилларда икки мамлакат ўртасидаги муносабатлар янги, сифат жиҳатдан янада юқори босқичга кўтарилди.

Бухоро ва Лебап вилоятлари ўртасидаги биродарлик алоқалари ҳам ана шундай дўстлик муносабатларининг амалдаги ифодасидир.

– Ўзбекистон Республикаси Президенти Шавкат Мирзиёев ва Туркманистон Президенти Гурбангули Бердимуҳамедовнинг ўзаро амалий ташрифлари қўшничилик, тенглик, ўзаро манфаатли шерикчилик асосидаги алоқаларни мустаҳкамлашга хизмат қилмоқда, – дейди Турманистон Республикасининг мамлакатимиздаги Фавқулодда ва мухтор элчиси Шири Шириев. – Ўзаро ҳамкорлик доирасида чегараолди ҳудудлари, жумладан, Лебап ва Бухоро вилоятлари ўртасидаги маданий-иқтисодий алоқалар ҳам кенгайиб бормоқда. Бугун Лебап вилояти вакилларининг Бухоро вилоятига ташрифи бунинг ёрқин тасдиғидир.

Меҳмонларга вилоятнинг ижтимоий-иқтисодий ривожланиши, ўзаро алоқалар учун хизмат қиладиган имкониятлар, туризм ва бошқа соҳалар салоҳияти бўйича атрофлича маълумот берилди.

Лебап вилояти делегацияси Ўзбекистон Республика Президентининг Бухоро вилоятидаги Халқ қабулхонаси фаолияти, Баҳоуддин Нақшбанд мажмуаси, улуғ аждодимизнинг меросини ўрганиш борасида олиб борилаётган ишлар билан танишди.

Когон туманидаги “Сиёвуш Комрон фуд” масъулияти чекланган жамиятига қарашли интенсив боғ меҳмонларда катта таассурот қолдирди. 40 гектарлик боғда барча агротехник тадбирлар замонавий технологиялар асосида ташкил этилган бўлиб, ниҳоллар томчилатиб суғорилиши сувни тежаш имконини беради. Келгуси йилдан корхона меваларни экспорт қилишни ҳам йўлга қўяди.

Бухорода қурилиш индустрияси жадал ривожланмоқда. Бунда “Кнауф гипс Бухоро” хорижий корхонасининг муносиб ўрни бор. Бу ерда тайёрланаётган гипскартонларнинг бир қисми Туркманистонга экспорт қилинмоқда. Лебаплик меҳмонлар ушбу корхонада ишлаб чиқариш жараёни билан танишди.

“Бухоро бриллиант силк” қўшма корхонаси мамлакатимизда пиллани қайта ишловчи йирик корхоналардан биридир. Меҳмонлар бу ерда энг илғор технологиялар билан жиҳозланган цехларда хомашёдан тола ажратиш, ипак-калава тайёрлаш, ундан мато тўқиш ва матога гул босишгача бўлган жараёнларни кўздан кечирди. Корхона маҳсулотига хорижда ҳам талаб катта. Маҳсулотнинг асосий қисми Хитой, Ҳиндистон, Вьетнам, Туркия каби давлатларга экспорт қилинмоқда.

Бухоро халқ ҳунармандлиги орасида гиламчилик алоҳида ўрин тутади. Бухоро шаҳридаги гиламчилик маркази фаолияти билан танишган меҳмонлар буни алоҳида эътироф этдилар.

– Қўй жунидан тўқиладиган туркман гиламлари довруғи узоқ хорижда ҳам машҳур, – дейди Лебап вилоятидаги гилам ишлаб чиқаришга ихтисослашган "Халач" корхонаси директори Чари Сейтниязов. – Сизларда бундай маҳсулот ипакдан тайёрланар экан. Тўқувчиларнинг иш услубидан ҳайратландим. Бухоро гиламлари нечоғли машҳурлигини эшитганман. Бугун уларни ўз кўзим билан кўрдим. Гиламчилик маркази билан танишиш жараёнида ҳамкорлик қилиш режаси туғилди. Биз буюртма асосида Бухоро гиламларини Туркманистонга, туркман ҳунармандлик маҳсулотларини Бухорога етказиб бериш бўйича ишларни йўлга қўйсак, айни муддао бўларди.

Туркманистонлик меҳмонлар қадимий Исмоил Сомоний мақбараси, Лаби ҳовуз мажмуаси, Арк қалъаси, шунингдек, Минораи Калон, Масжиди Калон ва Мир Араб мадрасасидан иборат Пойи Калон мажмуаси ва бошқа диққатга сазовор жойларни зиёрат қилдилар.

– Неча асрлардан буён улуғворлиги билан барчада ҳавас уйғотиб келаётган Бухоронинг тарихий ва кўҳна ёдгорликларидан ҳайратдамиз, – дейди туркманистонлик меҳмон Саламат Ҳусаинова. – Бу ердаги ҳар бир обида тарихингиз буюклиги, санъатингиз бетакрорлигидан дарак беради.

Тадбир Нодир девонбеги мадрасасида ташкил этилган концерт дастури билан якунланди.

Тадбирда Бухоро вилояти ҳокими Ў.Барноев сўзга чиқди.