ӨзА Қазақ

13.05.2019 20:40 Басып шығару нұсқасы

Дональд Трамптың Назарбаевқа жазған хаты жарияланды

Дональд Трамптың Назарбаевқа жазған хаты жарияланды

«АҚШ Президенті Дональд Трамп Қазақстан Республикасы Тұңғыш Президенті - Елбасы Нұрсұлтан Назарбаевқа жолдаған хатында не жазғаны белгілі болды»-деп хабарлайды ҚазАқпарат агенттігі, Елбасының баспасөз хатшысы Айдос Үкібайдың Twitter парақшасына сілтеме жасап. 

АҚШ Президенті Дональд Трамп Елбасы Нұрсұлтан Назарбаевтың Қазақстанды басқарған 30 жылға жуық уақыттың ішінде мол мұра қалдырғанын атап өтіп, билік транзитін конституциялық процедураларға сай жүзеге асыру шешіміне қолдау білдірген. Сонымен қатар, ол 2018 жылғы Елбасының Ақ үйге сапары АҚШ пен Қазақстан арасындағы ынтымақтастықты тереңдетуге бағытталған қадам болғанын атап өткен.

«Біз екіжақты қарым-қатынасымызда үлкен табыстарға қол жеткіздік және америкалық бизнестің Қазақстанмен экономикалық ынтымақтастық үшін барынша мол салаларды қамти түсуі қуантады. Қазақстан Сіздің басшылығыңызбен бүкіл әлемде табысқа жетті. Президент ретіндегі Сізбен жұмысым барысындағы қолдауыңызды жоғары бағалаймын және дәл осындай қарым-қатынасты Президент Тоқаевпен де тағатсыздана күтемін. Сіздің болашақтағы барлық бастамаларыңызға табыс тілеймін», - деп жазады АҚШ Президенті.

ӨзА
5 207